Este venres, 23 de setembro puidemos desfrutar dunha sesíón de contacontos mistura de música, texto e linguaxe de signos a cargo da cantautora Silvia Penide e o seu libro Diferentes Diferenzas. Un espectáculo orixinal que nos permitiu reflexionar sobre a importancia de apreciar e respectar aquilo que é distinto dos demais.
A maxía, a sorpresa e o humor que nos trouxo Pedro a Mera, aderezado coa participación dos nosos nenos e nenas, resultou todo un éxito.
Tarde para repetir e recomendar .
Parabéns Pedro
Este venres, 24 de setembro, contamos coa presenza do contador Carlos Alba e a súa sesión de contos ” O que me contou a tía Caronda”, adaptacións de contos clásicos como Barbazul e Artur e Clementina; unha tarde divertida e entretida pero tamén formativa pois puidemos reflexionar a través das personaxes tradicionais dos contos sobre a igualdade de xénero e os seus diferentes roles masculino/ feminino.
Pasamos unha tarde magnífica co repertorio musical de Pakolas.
Os nenos/as quedaron engaiolados coas súas cancións , non querían que rematase a sesión.
Parabéns Pakolas.
O venres, 2 de outubro, tivemos a Animar-t co seu espectáculo Onde está o vento?.
Contos e cancións populares que fixeron as delicias dos nosos pequenos e pequenas.
Pasámolo moi ben
.
O venres, 25 de setembro, Charo Pita agasallounos con historias sobre mulleres aventureiras reais e ficticias, aderezadas con algunha canción.
Os nen@s estiveron engailoados durante toda a sesión.
Para volver a repetir.
O venres , 18 de setembro iniciamos a hora do conto na biblioteca de Mera ( Oleiros) coa visita de María dos Contos e o Señor Dorremi, fixéronnos gozar dos contos tradicionais e dos de creación propia, enfeitados, con música , cancións e sons.
Pasámolo moi ben!
O venres, 11 de outubro, Lorena Pinheiro desbordou simpatía e conquistou ao seu público dende o primeiro momento.
O venres, 4 de outubro, Electra visitounos na biblioteca de Mera e ensinounos unha casiña moi especial. Invitounos a pasar á casa das letras e puidemos ver como se visten, lavan os dentes, almorzan e mesmo, a máis agarimosa de todas, deunos unha forte aperta.
Para rematar as nenas e os nenos fixeron o seu propio monicreque das letras e pasamos unha tarde verdadeiramente divertida todxs xuntxs.
O venres, 27 de setembro, nenos/as e maiores cantamos e bailamos na biblioteca de Mera (Oleiros) ao son da guitarra de Gloria Mosquera e do teclado de Javier Constenla.
Desfrutamos de cancións e historias nas que se trataron temas como o medo, o coidado da natureza, o acoso escolar, o saber dicir non… facendo reflexionar sobre a importancia da empatía, da prudencia, da superación persoal, da cooperación e da responsabilidade como necesarios mecanismos de paz e felicidade.
Séguenos