O martes, 7 de outubro, desfrutamos con “1 mar de cores” dunha sesión de contacontos e obradoiro sensorial que encantou ás familias de Oleiros.
Un agradable estímulo para os sentidos que puxo en valor en todo momento a nosa relación co medio natural.
O martes, 30 de setembro, Ramón ensinounos a crear os nosos propios xogos malabares. Pasámolo moi ben e descubrimos que é unha actividade que, ademais de ser moi divertida, fomenta a paciencia, a superación persoal e promove a socialización.
O martes, 23 de setembro, tivemos o pracer de recibir en Oleiros a Dani Blanco que enfeitizou ao seu público con equilibrios imposibles, malabarismos, contos sobre gatos lambóns e sobre todo moito humor.
O martes, 8 de outubro, desfrutamos con Antón Ke e Tania Solla admirando e participando dun conto ilustrado e poemas musicados ao ukelele sobre a obra “A gaita galega” de Xoan Manuel Pintos. Ademais de pasalo moi ben esta actividade fíxonos reflexionar sobre a importancia do entendemento e o uso da nosa lingua.
O martes, 1 de outubro, “Xogando nas nubes” ensinounos a facer o noso propio libriño interactivo. As nenas e os nenos desfrutaron creando cabazas, arañas e moitas terroríficas cousas máis que emerxían do papel.
Pasámolo fenomenal !!!
O martes, 24 de setembro, tivemos na biblioteca de Oleiros a Brais das Hortas que trouxo unha maleta chea de contos cos que, máis que tremer de medo, morremos coa risa.
O público desfrutou moitísimo nesta sesión de contos, música e sobre todo moito moito humor. Ata apareceu pola biblioteca a mesmísima Santa Compaña cantando un trap !!!
O martes, 3 de outubro, sintonizamos Radio Bulebule e con Paco Nogueiras desfrutamos en directo dun divertidísimo programa cheo de humor, baile e cancións.
O martes, 26 de setembro, tivo lugar na biblioteca de Oleiros o espectáculo “Maxia de aquí e de acolá”. O público quedou abraiado ante a extraordinaria destreza do mago David Méndez.
Pasámolo estupendamente e aprendimos algún truquiño !!!
O martes, 19 de setembro, tivemos o pracer de recibir a visita de Raquel e Borja que nos mostraron o que se pode facer cun quilo de fariña, unha presada de sal e un chorro de pintura.
Despois de desfrutar coa narración do conto “Maruxa” as nenas e os nenos de Oleiros elaboraron, con masa de pan, un cadro cos protagonistas da historia e mesmo crearon novas escenas cheas de cor.
Pasamos unha tarde verdadeiramente divertida e creativa e reflexionamos sobre o reparto de tarefas no fogar.
Séguenos