O martes, 4 de outubro, o Meigo Albert  ensinounos a elaborar e a utilizar a nosa propia variña máxica e unha chea de cousas máis.

Pasámolo estupendamente !!!

O martes, 27 de setembro, tivo lugar na biblioteca “Manuel María” de Oleiros o obradoiro de creación de esculturas de papel PAPELARTE.

As nenas e os nenos  crearon pequenas esculturas baseadas na literatura utilizando papeis reciclados e  engrudo.

Moitas grazas Electra por ensinarnos  a elaborar verdadeiras obras de arte con materiais accesibles, sostibles e duradeiros !!!!

O martes, 20 de setembro, tivo lugar na biblioteca de Oleiros o obradoiro “Robótica educativa. Creatividade inspiradora”.

As nenas e nenos que participaron nesta actividade crearon, con pezas de lego, diferentes obxectos que  programaron para que executaran diferentes accións como por exemplo un caracol que se ilumina e canta ou un robot espía que nos avisa cando unha persoa entra na biblioteca.

Pasamos unha tarde verdadeiramente divertida e sobre todo aprendimos moito sobre que é un robot, cómo funciona e para que sirve.

O martes, 5 de outubro, tivemos o pracer de escoitar a Iván Davila que achegou aos máis cativos historias tradicionais do medio rural galego. Transmitiunos, entre outras cousas, a importancia de contar e compartir a cultura  e tamén do coidado e respecto da natureza.

O martes, 28 de setembro, Celtia Figueiras achegouse á biblioteca de Oleiros e interpretou a marabillosa historia da gatiña Lúa. Unha gatiña  que soña con viaxar, coñecer novos lugares e ter amigas para xogar e que foi para nós todo un exemplo de constancia e valentía.

O martes, 21 de setembro, pasámolo estupendamente na compaña de Lucía e Paula que nos trouxeron unha chea de historias que atoparon nun gran libro secreto  e que nos transmitiron valores moi importantes como é a igualdade.

María achegounos a  Guatemala a través dos 5 sentidos. Explicounos onde está, a que ule, a que sabe, as roupas e costumes das súas xentes… Todas as nenas e nenos recibiron como agasallo un exemplar  da colección Contos do Mundo para seguir traballando a interculturalidade.

Que ben o pasamos e canto aprendimos!!!!

O martes, 6 de outubro, Raquel Queizás atracou o seu barco na biblioteca de Oleiros para contarnos historias de viaxes cheas de aventuras nas que coñecemos mulleres bravas que loitaron contra os prexuízos para conseguir os seus soños.

Quen dixo que non houbo mulleres piratas?

O martes, 29 de setembro, pasamos unha tarde divertidísima co Mago Paco que nos trouxo unha chea de historias, xogos e por suposto moita maxia.

LIBROS + IMAXINACIÓN = MAXIA

O martes, 22 de setembro, Charo Pita agasallounos cunha sesión de contos moi divertida na que non faltou a música de guitarra. As nenas e os nenos disfrutaron, no colo das súas nais, dunha chea de historias contadas con moito humor e dozura.