O mércores 8 de outubro, ás 18:30 hs, na biblioteca Rosalía de Castro de Santa Cruz, estaba todo preparado para recibir ao Mago Marco quen orquestou unha posta en escena chea de luces e sons.

Se a isto lle engadimos a súa simpatía e complicidade co público o éxito estaba asegurado.

Pero é que ademáis, deixou, tanto á rapazada como a pais e nais, totalmente abraiados-as cos seus trucos de maxia. Aros que cambian de cores, embudes que botan auga non se sabe de onde, papeis esgazados que se converten en sombreiros e moitos máis xogos nos que puido participar moita xente do público.

O mércores 24 de setembro na biblioteca de Santa Cruz os nenos e nenas de entre 2 e 4 anos disfrutaron do contacontos “No monte” a cargo de 1 Mar de cores.

A contadora narrou o conto “A veces el bosque”, un conto que fala da vida secreta das árbores, da súa respiración, das súas bromas e sentimentos, do paso das estacións, dos cambios de cores… O conto ía acompañado de fermosas escenas que se representaban mediante un teatro de sombras e que intensificaban o fin da actividade: a conexión coa natureza e o valor da contemplación e o asombro.

Bolboretas, osos, cebras, leonas, monos e mesmo unha humana comparten a mesma ilusión : vivir nun lugar no que sexan libres. Por iso deciden escapar do zoo no que os animais están enxaulados e a humana traballa, en busca dese sitio.

Despois de moitas aventuras, acabarán atopándoo e mesmo entablarán unha bonita amizade con mostro rosa, monstro azul ou a xirafa sen voz.

Unha tenra e esperanzadora historia na que seres moi diferentes conseguen vivir en armonía.

Brais das Hortas relatou varias historias de medo, que se ían entrelazando mediante os obxectos que sacaba dunha gran maleta que pertencera a súa avoa. Cada vez que extraía unha tenebrosa antigalla (un saco, unha vasoira…), narraba un conto e cantaba unha canción. Bruxas, a santa compaña e moito humor fixeron desfrutar ao público

Dori é unha rapaza que está preparando unha festa de cumpreanos para a súa avoa. Precisará da axuda de todos e todas as asistentes para organizala. Xuntos/as fixeron un debuxo dunha torta, incharon globos, prepararon unha canción con baile incluído e xogaron con pompas de xabón. A festa da avoa quedou máis que asegurada!!

Unha xornada totalmente lúdica e divertida grazas á simpatía de Dori de Batucado y Emusín.

O mércores, 25 de setembro asistimos ao espectáculo de maxia co que nos deleitou o Mago Teto, un espectáculo axeitado para as idades dos/as nenos/as que nos acompañaron.

Vimos maxia chea de soños, diversión e fantasia divertindo a toda a cativada que asistiu,  pero tamén os pais e nais que saíron como voluntarios para facer de axudantes e que desfrutárono moito.

Fixemos coros, xogamos e descubrimos o felices que somos todas e todos cando o facemos en igualdade.

Cantamos cancións de Rosalía de Castro e tamén outras baseadas en autores galegos como “A galiña azul” de Casares, unha galiña que por ser distinta traia alarmadas ás autoridades da época.

O mércores 27 de setembro na Biblioteca de Santa Cruz produciuse todo un despliegue de motores, cables e rodas para elaborar coches utilizando tamén material de refugallo.

Os nenos e nenas empezaron a diseñar o seu automóbil dende cero. Por iso foi imprescindible a creatividade ao mesmo tempo que a eficacia, xa que, tras a creación e deseño dos coches, fixeron unha competención para ver cal era o máis orixinal e, por suposto, o máis veloz.

Unha actividade na que tiveron que pensar, crear, manipular e compartir, xa que os coches se fixeron por grupos nos que cada integrante tiña a súa función.

Como auténticas cuadrillas de Fórmula 1, os nenos e nenas participantes disfrutaron dunha sesión na que o momento culmen foi cando os coches se situaron na parrilla de saída.

Personaxes de conto, astronautas, cápsulas do tempo, tormentas de ideas e ata o mesmo don Quixote ou Xulio Verne desfilaron polo Teatro das Torres nunha sesión de maxia e escapismo. Un público entregado e moi participativo que non dubidou en sair cando se pedían voluntarios ou voluntarias.

Os libros foron os grandes protagonistas deste espectáculo no que se procurou transmitir a maxia e o poder das historias que neles viven.

Ao remate, moitos nenos e nenas subiron ao escenario para sacar unha improvisada foto coas integantes do grupo Leo Leiño rodeados e rodeadas dun colorido manto de confeti.

                                                 Empezamos

Actividade que nun principio estaba programada para 15 asistentes con duración de dúas horas e que, debido a grande demanda houbo que dividila en dúas sesións de unha hora cada unha, dándolle cobertura a un total de 30 asistentes. Este feito non supuxo a pérdida de calidade da actividade. Cada un dos grupos saliu totalmente emocionado coas construcións realizadas. Os monitores apoiaban as súas explicacións con proxeccións que os nenos e nenas ían seguindo coas tablets proporcionadas que despois servirían de mando para dirixir as máquinas.

Contaban con todo o necesario para a elaboración dos robots que se basearon sobre todo en pezas lego e baterías.

Empezaron construindo un caracol ao que lle deron luz e son e, sobre este, elaboraron un ventilador ao que lle proporcionaron movemento.

Resultou ser toda un lección de inxeniería básica e tecnoloxía. Unha defensa das máquinas que teñan como finalidade mellorar a nosa saúde e facernos a vida máis confortable.