O mércores, 9 de outubro, o grupo Aldaolado conseguiu que os rapaces e rapazas que acudiron á biblioteca a ver o seu espectáculo pasasen do silencio máis absoluto a grandes explosións de risas. A ovella Engracia e a súa compañeira de rabaño estaban durmidiñas cando entrou o público na sala. Fíxoo en silencio para non espertalas. Unha vez que estiveron todos e todas dentro, as ovelliñas foron espabilándose e empezou o show!!!

Engracia é unha ovelliña moi curiosa que quere saber o que pasa coa lúa cando se pon. Para descubrilo, terá que traspasar varios inconvenientes debido á súa condición feminina. Dunha ovella só se espera que estea xunto ao seu rabaño pastando no prado durante o día e ao resguardo durante á noite. O can que as cuida do lobo, sí que pode andar ceibe todo o día e vivindo aventuras. Así que, Engracia terá que romper moldes e pexuizos para cumprir o seu soño. Un espectáculo con moi boa posta en escena, no que a música foi a encargada de dar o efecto lúdico á xornada.

O luns, 7 de outubro, esperábamos cunha enorme expectación a chegada dos ratiños dede Lonxedetodo á biblioteca de Santa Cruz, porque a todas e todos nos gustan moito…

Unha actuación magnífica dos ratiños da compañía Trinke Trinke, neste caso cunha inmellorable posta en escea que levou a todo o público ata a casiña do ratiño ao que atopamos moi atarefado facendo unha tarta porque iba a ter visita, tiña tamén que limpar a entrada da casa e un montón de cousas máis porque a súa amiga Faifá chegaba desde moi lonxe. Esta contounos un conto sobre un neno ao que lle gustaba moito bailar claqué e despois contoulle a Fuco que tiña que facer unha obra de teatro sobre o conto do ratiño presumido para o que pediron a colaboración dos pais e nais presentes na sala. Que por certo todo hai que decilo eran perfectos profesionais da escea.

Un contacontos para romper estereotipos. Os nosos estudos, as relacións sociais, o traballo son aspectos da nosa viva moi estandarizadas con respecto ao sexo, esa discriminación da muller da lugar a situacións verdadeiramente non saudabeis e case sempre son o xerme da violencia de xénero na sociedade.

Rematamos cantando e bailando tadas e todos

Escoitamos un conto non discriminatorio

Escoitando a Mamá Cabra

Nunha tarde moi agradable de outono, Gloria e Diego, compoñentes de Mamá Cabra trouxeron a biblioteca de Santa Cruz un contacontos musical maravilloso. Aproveitando a boa tarde trasladamos a actuación da saliña de contacontos da biblioteca ao xardín que rodea o edificio das Torres, un lugar realmente idílico cheo de árbores que nos deron sombra e cos seus murmurios  enviaron a todo o concello ao mesmo tempo que  todas e todos os nenos e nenas, os contos e cancións que sobre coidado da natureza, non violencia e sobre todo entendemento entre todos os pobos do mundo soaron neste mércores de contacontos.

Preparados para o concerto

O mércores 25 de setembro, a ciencia inundou a biblioteca. Empezou cunha proxección sobre as teorías de Isaac Newton durante á que o monitor de “Ciencia en ruta” ía explicando certas cuestións e facendo preguntas ás que os rapaces e rapazas contestaban acertadamente.

Seguidamente, e unha vez feitos os grupos, dou comezo o traballo manual para a realización dos distintos foguetes. Rematada a construcción, saíron ao xardín para proceder ao lanzamento. Esta última parte foi a que ocasionou máis  fascinación  por parte tanto dos rapaces e rapazas como dos pais e nais que o estaban presenciando.

Resultou unha actividade moi creativa, lúdica, formativa e tremendamente divertida.

David Ballesteros, de “Ceo aberto”, deleitounos cun espectáculo científico para explicar os elementos “máxicos” empregados polo personaxe literario de Harry Potter. Pelos voadores, produción de raios, traspaso de electricidade entre os corpos, foron algúns dos experimentos que se realizaron nos que os protagonistas foron, en todo momento, os propios rapaces e rapazas.

Unha experiencia, non só educativa, senón tamén divertidísma como cando algúns dos rapaces que saíron voluntarios non eran capaces de articular as palabras no momento en que o monitor lles poñía uns auriculares especiais orixinando as gargalladas de todos e todas as asistentes.

Unha maneira moi científica para achegarnos ao mundo máxico do admiradísimo Harry Potter !!

O mércores 10 de outubro, a ciencia inundou a Biblioteca de Santa Cruz en Oleiros. Empezou cunha proxección sobre as teorías de Isaac Newton durante á que o monitor de Ciencia en Ruta ía explicando certas cuestións e facendo preguntas ás que os rapaces e rapazas contestaban acertadamente. Seguidamente dou comezo o traballo manual, por grupos, para a realización dos distintos foguetes. Rematada a construcción, saíron ao xardín para proceder ao lanzamento. Esta última parte foi a que ocasionou máis estupor e fascinación por parte tanto dos rapaces e rapazas como dos pais e nais que o estaban presenciando.

Resultou unha actividade moi creativa, lúdica, formativa e tremendamente divertida. Os asistentes e os seus pais e nais quedaron encantados e pedindo máis.

Artefacto rematado

Atendemos e aprendemos

         Traballando

                     Preparando o lanzamento

Din que a música amansa ás feras. A realidade que se viviu na Biblioteca Rosalía de Castro de Santa Cruz coa actuación de Pakolas o mércores 3 de outubro foi de auténtica festa, diversión e baile, moito baile. Nada de feras e nada de calma, o que houbo foi unha morea de nenos e nenas acompañados dos seus pais e nais que saltaban da alfombra nada máis escoitar os primeiros acordes da guitarra. Entre canción e canción, tomaban un respiro para escoitar os contos e divertirse cos disfraces que o  narrador ía sacando da maleta. Unha quenlla, unha galiña…son exemplos das distintas máscaras nas que Pakolas se apoiaba para contar as historias que viñan cheas de toques humorísticos. Narracións curtas con contidos éticos, a modo de parábolas, pero sobre todo rock and roll, moito rock and roll.

O baile da quenlla                

     Rock and roll

                            A bailar!!

O mércores, 26 de setembro e dentro da programación de Ler conta moito, asistimos a un obradoiro impartido por Patricia Núñez de “O Faiado de Nin” que nos encantou a todas e todos.

Patricia  falounos un pouco da biblioteca e da importancia de levar libros en préstamo polo que se nos parecía ben ibamos a deseñar unha mochila personalizada para levar os libros da biblio á casa e de volta.

Asi que primeiro os nenos fixeron un deseño de como querían que fóra a súa mochila dos libros da biblio, e nubes, libros, letras e grafittis maravillosos comenzaron a saír das súas mans e plasmáronse na tea, para seguidamente debuxar e recortar teas, pegar e adornar con rotuladores, estrelas, frores, cintas e pompóns.

Queradon unhas mochilas preciosas que esperamos ver cada día na biblioteca.

Grupo

Primeira actividade desta temporada, cun éxito total. Leo e Cris (Leo Leiño) engaiolaron a pais, nais e sobre todo aos nenos e nenas que desfrutaron, mirando entre asombrados e temerosos o que iba  suceder no instante seguinte, esa era a impresión que tiñas observandoos.

A partir dunha serie de libros moi coñecidos : O principiño, Viaxe ao centro da Terra e por suposto o mundo máxico de Harry Potter as nenas e nenos viaxaron a través da fantasia, nun universo de sorpresas e ilusións que tamen poden atopar cada día nos andeis da biblioteca.

Ninguén queria que “aquelo” rematara, será a varita máxica que Leo Leiño regalaron a cada neno e nena o que lles fará non esquencer este momento único.

O mércores, 25 de outubro ás 18,30hs, as gargalladas inundaron a biblioteca de Santa Cruz durante toda esta sesión . Tanto os adultos como os rapaces e rapazas non pararon de rir e aplaudir en cada historia que presentaba Pablísimo. Apoiado por un teatrillo e polas súas propias mans elaborou unha posta en escena do máis divertida, sonora e visual. Unha ra que se tragaba todo aquel monstro que se atrevía visitar a casa da súa dona. Unha cabaza tan grande que non había xeito de mover ata que acudiron unha chea de animaliños para axudar (tantos como dedos temos nas mans). Recordamos entre todos unha antiga e divertida canción e observamos como o caracol sacaba os seus cornos ao sol. Un espectáculo cheo de sensacións tras o que os asistentes levaron un sorriso para as súas casas.