Polo Correo do Vento achegou á Biblioteca do Grove o seu espectáculo “Cantareiras, a poesía popular nas Letras Galegas“.
Contaron as biografías das cantareiras  homenaxeadas no Día das Letras Galegas, fixeron un gran mural relacionado e cantaron as pezas das propias homenaxeadas.

Para rematar cada asistente debuxou unha caricatura dunha pandereteira.

O 25 de abril ás 17.30 h,  Pablísimo achegou á biblioteca municipal do Grove o espectáculo de narración oral “Cabicivai” .

Cabicivai é un espectáculo sobre rodas, unha bicicleta, un Kamishibai e tres caixóns dos que podía saír calquera cousa!!!.

O 4 de abril, ás 17.30 horas desenvolveuse na biblioteca municipal do Grove o espectáculo de narración e monicreques “Os descontacontos” a cargo de Galitoon e dirixido á rapazada a partir de 3 anos.

Un espectáculo para homenaxear a todos os avós e avoas que nos contaban os contos co avó D. Carmelo, que comeza a contar os contos polo final ou non se lembra deles e cada vez que intenta contar un, esquécese do argumento e inventa e argalla personaxes estrañas e cousas inverosímiles… ,  e co seu inseparable canciño Rús que, coa , axuda do público, conseguía rematar os contos.

O venres 31 de maio tivemos na Biblioteca do Grove o escape room “Plan de rescate” baseado na novela de Antia Yañez. Esa tarde tivemos un pequeno problema, xa que desapareceran un grupo de usuarios da biblioteca. Tiñamos que atopalos antes de que pechara a biblioteca e para iso deberiamos estar moi atentos as pistas que se foran deixando. Tarde divertida na que o inxenio, pilleria e creatividades fixeron que puidesemos saír da biblioteca e rescatar aos usuarios.

O xoves 16 de maio tivemos a visita do rato Fuco de Lonxedetodo na Biblioteca Municipal. Fuco ensinoulle aos mais pequenos a poesía, as rimas a través dos contos e da música.

Os mais pequenos descubriron o xénero da poesía dunha maneira amena e divertida. Una tarde espectacular tanto para os nenos e nenas como para os seus acompañantes.

O venres 19 de abril tivemos na Biblioteca Municipal do Grove a Bea Campos (Migallas) con contacontos para bebés “Cinco ratiños de conto”

Os nosos pequenos cos seus acompañantes escoitaron divertidas historias de animais e cantaron  durante todo o contacontos. Contos como “A que sabe a lúa’”, “Polo camiño e moitos mais fixeron as delicias dos mais pequenos. A utilizacións de sons e texturas captaron a atención dos mais pequenos, facendo da tarde do venres un momento divertido para gozar en familia.

O venres 5 de abril a biblioteca tivemos unha tarde de aventuras na Biblioteca municipal do Grove. A exploradora Jeanne Baret convidou a todos os nenos e nenas a participar da súa misión na selva de Pitiminí. A través de diferentes historias coñeceron os diferentes animais que viven nela e adentráronse nesta selva salvaxe. Unha actividade moi interactiva onde non quedou ningun neno sen participar

Teatro dos Ghazafelhos achegou ata a Biblioteca Muncipal do Grove o espectáculo “A máquina do tempo”.

A doutora Mon e o seu axudante Pe, logran construír unha máquina do tempo coa que amosaron á rapazada a verdadeira historia das civilizacións mandando a Pe e a varios voluntarios e voluntarias a distintas épocas da nosa historia.

O venres 12 de maio tivemos un contacontos ilustrado e musicado que nos permitiu coñecer a figura de Francisco Fernández del Riego. Unha tarde onde pequenos e non tan pequenos disfrutamos e coñecemos mais da vida do escritor homenaxeado este ano no Día das Letras Galegas.

Ao final realizouse un obradoiro de debuxo, onde todos seguindo as indicacións do ilustrador Carlos Taboada realizamos a caricatura do protagonista da nosa historia.

Unha forma moi divertida de coñecer a vida deste personaxe ilustre das nosas letras.

Onte os nenos e nenas do CEIP Rosalia de Castro do Grove gozaron do espectáculo Conta Canta con Blanca Millan e R.J. Peralta

O escritor, R.J. Peralta e a ilustradora, Blanca Millán fixeron un repaso de todos os seus contos editados. Mesturaron música e narración nunha mañá moi divertida e amena na que os mais cativos participaron en todo momento das cancións e dos contos.