MOITAS GRAZAS, PABLÍSIMo

Nenas e Nenos estivemos contigo celebrando O Día do Libro Infantil e Xuvenil. Pais e cativos estiveron moi entretidos coa actividad de Pablísimo. Moi recomendable por todos os presentes.
No Contiario collen todo tipo de contos: contos que empezan ao revés, contos con moitos finais, contos de nunca rematar, fábulas, cantares de cego, contos minúsculos, adiviñas…

PABLÍSIMO QUIXO PARTICIPAR NO CONCURSO DE ANDERSEN HOY co seu conto de Andersen:
“Principas e princesos”
que contou ás nenas e nenos que estiveron na sala infantil o sábado 1 de abril

Visítanos  no BLOGGIT  o noso blog da sala infantil-xuvenil

“O meu pesadelo favorito”

María Lires na sala infantil-xuvenil da Biblioteca Pública da Coruña Miguel González Garcés no Día da Ilustración.

Obradoiro creativo coa ilustradora onde 20 nenas e nenos de 4 a 10 anos  participaron activamente do Día da Ilustración.  En conxunto, a actividade resultou bastante interesante cunha valoración positiva da ilustradora.

Das observacións dos pais teremos que cambiar o espazo de realización, porque había moito barullo e a idade dos participantes,  que debería ser máis uniforme.

Visita o noso blog da sala infantil: BLOGGIT

Ratos de Lonxedetodo

Ratos de Biblioteca: Especie de ratos que viven na aldea de Lonxedetodo. Cada certo tempo viaxan ata a Biblioteca da Coruña para se comunicaren cos humanos, tentar contaxiarlles aos nenos e nenas o seu gusto pola lectura e coller contos prestados.

A Compañía do Trinke-Trinke estivo este sábado 14 de xaneiro cos Ratos de Lonxedetodo. A valoración da actividade foi excelente polas nenas e nenos que asistiron cos seus pais, que nos piden que se leve a cabo máis veces na Biblioteca.

En conxunto a actividade resultou moi interesante.

Moitas grazas polo voso interese e pedimos disculpas polo erro na pax. web da hora da actividade. Os sábados de animación sempre son ás 12 h.

Elefante Elegante

Elefante Elegante

A Compañía do Elefante Elegante presentou o espectáculo “O Xigante”  destinado ao público infantil entre os 3 e os 8 anos.  É unha historia na que conviveno cómico e o poético; a forza da palabra e a elocuencia do xesto; a plasticidade da manipulación dos obxectos e a evolución do dispositivo escenográfico.

En conxunto, a actividade resultou moi interesante polas  nais e pais que asistiron o sábado 17 de Nadal a sala infantil-xuvenil da Biblioteca Pública da Coruña Miguel González Garcés.  Recoméndana, asi que para o ano novo 2017 repetiremos; pero no salón de actos, como nos demandan as nais e pais.

Visita BLOGGIT, o noso blog da sala infantil.

É OURO, actividade de ciencia a cargo  de Antonio José Rodríguez Fernández na Biblioteca Pública da Coruña Miguel González Garcés.  Ouro parece… O libro animado, trampantoxos, kinematoscopio, o mundo da distorsión e figuras inestables, estereografía… Enganando o sentido da vista. Especial para o mes da Ciencia co tema de Física óptica. Os nenos e nenas participantes e os seus pais valoraron a actividade de moi interesante, un excelente no seu contido e no profesional que a realizou. Recomendan esta actividade.

Visita o noso BLOGGIT, blog da sala infantil-xuvenil da Biblioteca

Contos revoltos de amor e de medo para nenas e nenos,  mamás e papás na Biblioteca Pública da Coruña Miguel González Garcés.

Fátima entusiasmou a pequenos e grandes coa boa narrativa das súas historias. En conxunto a actividade foi valorada  bastante interesante polos adultos que participaron.  Visitade  BLOGGIT o noso blog da sala infantil-xuvenil

Celebramos o Día das Bibliotecas coa actividade de OQO editora Coas mans na masa na Biblioteca Pública da Coruña Miguel González Garcés. A partir da historia de Pepiño e Maruxa e a súa disputa por facer o pan,  desenvolve un workshop creativo onde os cativos fan os personaxes do conto…con masa de pan!

A maioría dos pais e nais cos seus nenos e nenas  valoraron o contido da actividade e ao profesional que a realizou,  positivamente como moi interesante e recomendable.

Máis información en BLOGGIT, blog da sala infantil-xuvenil

Na Biblioteca Pública da Coruña Miguel González Garcés realizouse “A falta de pan, bos son contos”,  un espectáculo teatral XAROPE TULÚ, artellado a partir de adiviñas, contos e refráns. Nesta proposta a palabra e o xesto contan cun papel fundamental, apoiándose por momentos nos obxetos. Asistiron 20 nenos e nenas cos seus pais que felicitaron á contacontos.

Visítanos  en BLOGGIT, blog da sala infantil-xuvenil

“Contos do mundo” a cargo de Solidariedade Internacional de Galicia na Biblioteca Pública da Coruña Miguel González Garcés

As nenas e nenos, da man de Irene achéngase a cultura doutros países diferentes ao noso. Irene axuda aos nosos nenos e nenas a erradicar os prexuízos culturais e sociais.

Máis información no blog da sala infantil-xuvenil: BLOGGIT