O venres 26 tivemos a visita das autoras do álbum ilistrado Monstr3s, que explicaron todos os pasos que hai que dar para facer un libro, cómo facer as ilustracións, cantas persoas fan falta para que o libro chegue ás nosas mans… E por suposto puidemos coñecer a historia que contén Monstr3s.

O venres 29, visitou a nosa biblioteca Charo Pita. Con ela fixemos un repaso ás partes do corpo a través de historias e contos con princesas, bruxas, reis e outros personaxes.

O venres 11, aprendimos como facer dende cero un títere de calcetín. Dunha maneira áxil e fácil, e seguindo os pasos os resultados foron espectaculares. Diversión e creatividade para grandes e pequenos

Obradoiro de títeres de calcetín de Galitoon na Biblioteca dos Tilos-Teo

O venres 27 de setembro recibimos a visita do Ratos de Lonxedetodo, que viñeron contar a historia de Manolo Caracol e a súa historia de amor. Espectáculo infantil que combina música, narración oral e títeres para facer desfrutar ao público infantil e tamén aos maiores

O venres 28 recibimos a visita de Cris de Caldas para falarnos dunha bibliotecaria un pouco estrafalaria. Actividade de narración oral combinando álbumes infantís con distintas características para conseguir que a rapazada desfrute da narración sempre apoiada nos libros e espertar o interés pola lectura.

A bibliotecaria estrafalaria 2.0 de Cris de Caldas na BPM de Os Tilos-Teo

O venres 31 de xuño coñecimos da man de Cachirulo as aventuras de Alicia no País das Maravillas, un espectáculo con monicreques que adapta  o clásico de Lewis Carroll apto para todos os públicos. Humor e fantasía para pasalo en grande.

O venres 22 coñecimos a verdadeira historia de Hamelin. Unha reinterpretación do conto clásico mesturando narración oral, clown, malabares… Unha oportunidade para coñecer os contos dende ouro puntos de vista

O venres 1 de setembro, visitounos Carmen Domech para presentarnos os espectáculo “Onde viven os monstros”. Baseado na obra de Sendak, Carmen fixo un repaso a obras con monstros como protagonistas, mesturando narración oral con títeres. Así, ademais do conto que da título a este espectáculo, aprendimos qué monstros hai dentro dos alimentos ou como coñecer os sentimentos e emocións coa axuda  do monstro de cores

O día 16 de maio, ás portas do Día das Letras Galegas, visitounos Luis Vallecillo para traer o seu libro-disco Cantamos? polo seu V Aniversario. Adapta musicalmente varios contos tradicionais nun espectáculo no que a interacción co público é moi importante

Aproveitando a sombra, visitounos o encargado de recoller todo o lixo que deixamos polo Concello e, aproveitando, contounos uns contos para concienciarnos de necesario que é conservar o medio ambiente. Tomamos nota!