O sábado 21 de outubro,  visitounos o Mago Paco coa actuación “Unha maxia diferente”  na bibloteca municipal Luís Rei de Cambados, cun espectáculo onde a través de historias e xogos de maxia traballa a igualdade, o respecto, a tolerancia… no que aprendemos que ser diferentes fainos ser únicos.

Unha actividade moi divertida!!!

Este sábado 8 de outubro,  tivemos con nós a Pavís Pavós co espectáculo “Este queixo queixolán” cunha sesión de contos, arrolos, cantos, xogos e ladaíñas para bebés e acompañantes onde todos participaban.

Unha actividade moi dinámica.

Cris de Caldas achegou á biblioteca Municipal Luis Rei de Cambados co seu espectáculo “Agasallo das árbores”.Papá porquiño e mamá porquiña contábanlle contos aos seus tres fillos, cun ollo posto no verdor do arredor e outro, ben atento, ao lobo.
O fío condutor desta sesión de contos é a concienciación medioambiental coa axuda dunha versión particular (máis galega e máis feminina) do clásico conto “Os tres porquiños”
Co humor e música en directo de Xabi do Camiño.
Os nenos pasaron unha mañá xenial.

Coa igualdade por bandeira, a pirata Carla fixo desfrutar aos cativos e cativas, cunha historia chea de superación e cinco probas moi divertidas, nas que comprobaron que todas podemos ser unhas grandes capitanas piratas. Todo isto ocorreu a tarde do mércores no barco pirata da Biblioteca Luís Rei de Cambados.

Na tarde do venres a Biblioteca Pública Municipal Luís Rei gozou dun contacontos sobre igualdade moi divertido. O público asistente participou e desfrutou a partes iguais.

O pasado luns, 7 de setembro, tivemos 2 pases na BPM Luis Rei a cargo de Caxoto, trouxo a biblioteca  un conto no que os nenos e nenas interactuaban co contador. Unha activiadade didáctiva onde daba a coñecer varios dos instrumentos musicais de cultura tradicional galega como a gaita galega ou a pandereta. Foi un espectáculo moi recomendable.

Onte pola tarde na Biblioteca Municipal Luís Rei de Cambados, visitounos “Lisístrata”.Os nenos/as e os non tan pequenos/as aprenderon de forma amena, un pouquiño sobre a historia dalgunhas mulleres que foron moi importantes ao longo dos anos.

O pasado luns día 30 de setembro tivemos a sorte de desfrutar dunha tarde espectacular de maxia con Leo Leíño. Foi unha tarde de maxia, música e chistes que os máis pequenos disfrutaron participando de todo. Leo fai da maxia unha diversión e conecta co público dunha maneira increíble. Actividade totalmente recomendable.

O pasado día 16 Cris de Caldas estivo na nosa biblioteca facendo 2 pases cos seus contacontos para bebés. Os asistentes disfrutaron dunha xornada de contos e de cancións tradicionais para os máis pequenos da casa. Unha actividade totalmente recomendable.

O venres 6 de xullo, nos xardíns da biblioteca Luis Rei tivemos o pracer de contar coa actuación musical de Pablo Díaz co espectáculo “TIC TAC TOC canta conmigo”. O numeroso público asistente gozou cantando e bailando  as cancións de  Pablo Díaz.

Conseguiu captar a atención dos cativos dende o primeiro momento.

Fantástica experiencia  para os asistentes!!!