O venres 20, visitounos o carteiro de augasclaras. Trouxo cartas para nenos que asistían ao contacontos que enviaban personaxes de diferentes contos : Rosa caramelo, Artur e Clementina e María. Aos nenos gustoulles moito os escenarios montados para os distintos contos.
O Dr. Tilla contoulle aos nenos o conto de Laura que quería ser pirata, para explicarlles como acabar coa enfermidade do machismo. Os pais, nais e rapazada interactuaron e riron moito cao posta en escea que fixo Caxoto.
Onte tivemos a Olga Abad que contou aos peques o conto “O libro esquecido” con teatro de sombras, e cancións.
O día 10 de setembro, estivo na nosa Biblioteca Marisa Irimia co seu conto “A pirata Escarlata”. Contounos un montón de aventuras desta nena aventureira e os perigos que pode encontrar na busca do tesouro, para amosarnos, que o xénero tanto da. E aprendimos a canción do tiburón .
O luns día 9, tivemos na nosa Biblioteca a Charo Pita cun montón de contos : Helena, As primeiras fresa, un conto cheroqui…e moitas cancións e musica de No país do vento. Con estes contos os nenos veron que non ten que haber barreiras na sociedade.
O venres día 6, tivemos na nosa Biblioteca Miguel González Garcés, a Antón e Tomasa para contarnos o conto da “Cabaza encanta”, e así quedaron os nenos cun conto tan divertido e o obradoiro final.
O día 5 de setembro tivemos na nosa biblioteca de Culleredo a Anxo, da Asociación de Amigos do Museo Galego da Marioneta, para ensinar aos nenos cómo facer unha marioneta e as variñas para sostela.
O día 4 de setembro, tivemos na nosa Biblioteca Miguel González Garcés de Culleredo un espectáculo de maxia a cargo de Ian & Elisa. O tema de fondo foi a igualdade e a loita contra a violencia.
O día 3 de setembro, tivemos na nosa biblioteca Miguel González Garcés un contacontos a cargo de Olga Abad. A personaxe deste conto a osa Maruxiña nos demostra cómo podemos ser libres e iguais, pese ás diferenzas.
O 31 de Xullo realizouse esta preciosa actividade na Biblioteca Municipal de Culleredo. Os nenos e nenas saíron encantados: eles mesmos inventaron historias que plasmaron despois, escribindo, debuxando e facendo deste xeito cadanseu miniconto.
Séguenos