Vaia tarde a de onte coa visita de Antón e Tomasa!

Moitas risas, sopresas, cancións, algún monstro e ata efectos especiais tiveron lugar o pasado venres 27 de setembro no seu novo conto tetralizado e posterior obradoiro de cociña “Antón e Tomasa en Acabaza encantada”.

O éxito foi tal que esgotamos prácticamente todos os libros sobre monstros e cociña que tiñamos na biblio!

O venres tivo lugar un contacontos e taller de debuxo “A detective Peregrina e o insólito caso de Antón Fraguas” a cargo dos nosos amigos Enrique Mauricio e Carlos Taboada.

A actividade, que tivo lugar na sala infantil da biblioteca, rendiu homenaxe á figura de Antón Fraguas, historiador e etnólogo homenaxeado no Día das Letras Galegas 2019.

O contacontos estaba baseado na publicación “A detective Peregrina e o insólito caso Antón Fraguas”,
e nel narran a historia, misturada coa realización dun mural no que participaron todas as persoas asistentes, para dar a coñecer a vida e obra de Antón Fraguas dunha forma moi divertida. Por último, nos ensinaron a debuxar paso por paso ao homenaxeado, Antón Fraguas. Unha actividade absolutamente recomendable.

O Día da Biblioteca, 24 de outubro, Paco Nogueiras veu a sintonizar Radio Bule Bule á biblioteca Pérez Parallé de Fene. Todos pasaron un bo rato con cancións, a bailar e a escoitar música nun espectáculo cheo de humor

Nita contou dous contos e fixo varios experimentos científicos

Antón e Tomasa contaron un conto e despois fixeron brochetas de froitas recubertas de chocolate fondue cos asistentes ó obradoiro

Onte tivemos unha visita moi especial e divertida na Biblioteca Municipal de Fene e pasámolo moi ben, xa que gozamos da compañía e da actuación do gran Mago Paco coa súa actividade Maxia divertida 2.0, donde presentou aos nenos e nenas de entre 3 e 12 anos e aos seus pais, nais e avós unha morea de contos e historias a través de xogos e de maxia, levándoos a descubrir a “maxia divertida” que esconden as narracións.

O Mago Paco tívonos moi entretidos durante todo a actuación, sacounos unha chea de risas e fixo aos máis pequenos partícipes das súas historias, xogos e maxia. Unha gran elección a actuación do Mago Paco para celebrar que pronto remata o colexio para os pequenos.

Grazas ao Mago Paco por facernos pasar unha tarde moi divertida e por ensinarnos trucos e xogos de maxia!!

“As Parábolas de Pakolas” chegou da man de Paco Cerdeira como espectáculo de pequeno formato no que Pakolas interpretou unha escolla dos seus temas, con música xirando en torno ao rock e outros estilos que fixeron bailar e cantar aos cativos e cativas e os adultos! Parábolas, historias e recomendacións de libros foron unha combinación perfecta coas cancións elixidas por Pakolas!

Pakolas nos visitaba por primeira vez e seguro que repetirá porque a actividade gustou moitísimo!

Foi un auténtico pracer celebrar o Día da Biblioteca con él e cun cheo absoluto da sala infantil a pesar do bo día que estaba fora! Espectáculo moi recomendable!

Carballo con Botas viu cargado cos seus teatriños e unha chea de monicreques ao lombo. Os bonecos naceron do traballo de mulleres integrantes de cooperativas de comercio xusto en Bangladesh. A través deles, Moure relata contos e aventuras por lugares fantásticos da India, Guatemala ou a propia Bangladesh.

Pasamos unha tarde estupenda con historias cheas de mensaxes a favor da paz e da lectura. Aprendimos moitas cousiñas sobre outras culturas e desfrutamos cos títeres e os contos solidarios que nos contou.

Foi unha actividade moi divertida, na que o público asistente, tanto adulto como infantil, estiveron moi participativos.

Non dubidaremos en repetir!

O xoves día 6 de abril celebramos en Fene o Día do Libro Infantil e Xuvenil coa visita de Elefante Elegante e o seu espectáculo “O xigante”. Era a primeira vez que viñan e había moita expectación! De feito encheouse a biblioteca (máis de 100 asistentes) a pesar de facer un día estupendo fora.

A compañía Elefante Elegante presentou “O Xigante”, unha obra inspirada nun conto de Oscar Wilde que narra unha historia na que conviven o cómico e o poético, a forza da palabra e a elocuencia do xesto, a plasticidade da manipulación dos obxectos e a evolución do dispositivo estenográfico.

Foron 45 minutos de risas e sorpresas e temos claro que repetiremos pronto porque encantounos a tod@s!!

Este venres 31 de marzo visitounos Fuco, un dos nosos amigos de Lonxedetodo, para celebrar o Día do Teatro co seu novo contacontos teatral “Os ratiños da caixa”.

Viña acompañado de tres ratiños moi trastes que fixeron as delicias de pequenos e grandes e contou moitos contos de ratos. A sesión foi estupenda, cun cheo absoluto e con moitas recomendacións de lecturas por parte de Fuco. Ademáis de divertinos, ensina valores e contaxia a súa paixón pola lectura.

Actividade absolutamente recomendable!