Fátima Fernández viu a celebrar a Fene o Día da Biblioteca. ´”Érase unha vez uns zapatos…” encheu a nosa biblioteca de cancións, contos e historias marabillosas que deslumbraron tanto a nenos/as como aos adultos.

Animou moitísimo a ler e deixou aos presentes abraiados cos seus contos, cancións tradicionais e libros.

O xoves 21 de abril celebramos por adiantado o Día do Libro na Biblioteca Municipal de Fene co gran Pablísimo.

Pablísimo presentounos o seu “Contiario”, unha recopilación de historias: contos de nunca rematar, xogos de palabras, cantares de cego e cancións por só citar algúns. Cantos contos aprendimos!!

Achegounos ao mundo dos libros, bibliotecas e de todo tipo de historias cun divertido e imaxinativo espectáculo no que os asistentes participaron moi activamente. Unha maravillosa maneira de celebrar o Día do Libro!

Nenos/as e adultos desfrutaron moitísimo e pasou o tempo voando! Estamos desexando que volva!

Paco Nogueiras veu por primeira vez o venres 1 de abril á Biblioteca de Fene para celebrar o Día do Libro Infantil e Xuvenil co seu concerto-obradoiro “Brinca vai! De aquí a acolá”.

Bailamos, cantamos, aprendimos e coñecimos distintos instrumentos… qué máis se pode pedir?

Unha actuación fantástica e absolutamente recomendable! Por suposto, cheo total na biblioteca e os asistentes encantados!

Este martes día 29 de marzo, para celebrar o Día do Teatro, tivemos o pracer de contar con Trinketrinke Teatro e o seu espectáculo “Riciños de ouro e os tres osos”, un conto clásico que nunca pasa de moda.
Cheo absoluto nunha actividade con historias, música e xogos!

O sábado 24 de outubro tivemos unha visita moi especial na biblioteca. Xosé Tomás nos ensinou a orixe da banda deseñada, todos os tipos que existen e tamén nos mostrou técnicas de debuxo. O pasamos en grande e ademáis, aprendimos moito con él. Co “obradoiro de banda deseñada: coñécete a través dos cadriños” xa temos unha boa base para chegar a ser uns expertos na banda deseñada!

No marco do programa “Ler conta moito” o luns 30 de marzo ás 12 h, cunha Biblioteca ateigada de nenos e nenas, a compañía Sarabela Teatro representou “Conto Express”

“Entre rúas e versos”. Deste xeito discorreu a tarde de onte en Fene. Ás 17:00 iniciábase un itinerario poético cultural polas rúas de Fene dirixido polo monitorado da empresa ETNOGA e enmarcado no programa “Ler conta moito”. Os participantes descubriron a contorna da Biblioteca Municipal da man dos versos de Rosalía, Berta Dávila, Antía Otero…..

Que boa tarde pasamos contando historias de familias distintas, especias, raras, … pero cheas de amor. Con unha narración áxil, lixeira e teatralizada Larraitz nos fixo rir e disfrutar duns contos rebosantes de cariño.

Larraitz con Babamor en Fene

Este xoves 15 de maio para celebrar as letras galegas veu a celebralas con nos MAGIN BLANCO un dos bos cantantes e compositores que temos para nenos e maiores en Galicia. Disfrutamos dun percorrido polos seus discos editados e nos agasallou con cancións dos próximos traballos. Un pracer escoitalo e comprobar que ten moitos seguidores, entre eles os bibliotecarios/as como Don Ramón que inicia o seu último traballo.

Ca ratiña Carolina de Lonxedetodo disfrutamos e saboreamos os seus contos e receitas para pasar un bo rato cos nenos e nenas que se achegaron cas súas familias a deleitarse nas boas historias. Con TrinkeTrinke Teatro está asegurado o humor e a boa animación á lectura que ao final nos trae usuarios e lectores a nos a Biblioteca Municipal de Fene.