Cando se xuntan os libros e a maxia pasan cousas moi divertidas e interesantes, eso foi o que viviron onte na Biblioteca de Miño os 44 nenos e nenas que nos acompañaron e tamén  os papás, mamás, avós e avoas.

Visitamos países exóticos, descubrimos planetas de outra Galaxia, vimos libros moi raros e os nosos desexos transformáronse en luces vermellas. Todo se encheu de maxia.

A través do programa de dinamización de lectura: Ler conta moito , a Biblioteca encheuse o día 13 de setembro, de nenos e nenas e como non de adiviñas, travalinguas, contos pequenos, contos de animais, contos de África e como non de contos clásicos narrados con moita alegría e humor por O Parroleiro (Os Contos de Pablísimo). Foi unha experiencia moi gratificante e supuxo novos lectores e novos empréstitos de libros

O 19 de outubro a  Biblioteca encheuse de Maxia con Leo Leiño, foi unha tarde moi sorprendente e divertida tanto para os 36 nen@s como para os pais e nais que os acompañaron.

Unha hora de fantasía que se fixo moi, pero que moi curta.

Charo Pita veu a Biblioteca de Miño , para contar e cantar historias a 23 nen@s de tres anos. Foi media hora moi agradable, eso que facía moito calor.

Nen@s e maiores pasárono moi ben  coas historias deste curioso curral, contadas  pola xenial escritora e mellor contadora de historias Charo Pita

Onte 11 de Maio, 45 nenos de 4 a 9 anos, descubriron a obra de Carlos Casares con Cris de Caldas.

Despois a Galiña azul foi a gran protagonista no obradoiro de marcapáxinas, no que pais e nenos compartiron experiencia . Esta actividade divulgativa foi  a nosa homenaxe o protagonista deste ano das Letras Galegas

33 nenos e moitos papás festexaron o Día do Libro Infantil na Biblioteca de Miño. Os encargados de facer pasar a todos unha boa maña de Sábado foron os xeniais compoñentes de Teatro Calavera. Grandes e pequenos disfrutaron co teatro e co  doce Obradoiro de alimentación

Alba Bermúdez integrante de Triatreros contou 4 contos que tiñan como fío conductor a comida. Os rapaces pasárono moi ben aprendo boas hábitos alimenticios escoitando contos

29 nenos, as súas profes e  algunha nai,  pasaron un moi bo rato escoitando os Contos de Ida e Volta de Charo Pita. A Biblioteca Pública Municipal de Miño  aproveitou a ocasión para presentarse os mais pequenos e ninguén mellor que Charo para facer de anfitriona, algún poema de Manuel María e outros contos fixeron o resto.

Un Sábado o mes os rapaces de Miño teñen Sábado de Conto na Biblioteca. Este sábado día 7 de maio o protagonista foi “O Bigote de Mimí” maxistralmente contado por Fátima Fernández. Este é o pequeno homenaxe da Biblioteca de Miño a Manuel María autor do conto. Os 28 nenos que viñeron pasaron un moi bo rato coas historias do coqueto  Mimí e outros contos.

Con unha excelente adaptación do conto Rato Tom e Rata Tomasa e unha mellor interpretación, o grupo Teatro Calvera fixo que os nenos e os pais que os acompañaron pasaran una maña moi divertida en compañía dos contos.

Rematamos a xornada con un  final moi doce : Un obradoiro de pasta de azucre .