Este venres estiveron na nosa Biblio unha parella moi especial. Contaron e cantaron uns contos maravillosos e foron capaces de engaiolar tanto aos nen@s coma aos maiores.

Moitas grazas.

Caxoto na Biblioteca Municipal de Noia

Este venres, pasámolo en grande con Caxoto na Biblioteca de Noia, onde se puxo “Coas mans na masa” para elaborar un menú moi especial para os nosos nenos/-as,  a base de contos de igualdade para desmontar os estereotipos de xénero.

Moitas grazas

Os máis nov@s da nosa Vila pasárono en grande con Leo, que coa axuda da música foi capaz de atraer a atención dun público tan pequeno.

Foi moi interesante ver, por unha banda a complicidade  de Paula e os nen@s, para conseguir que participasen na actividade e pola outra a ledicia dos pais.

Moitas grazas!!

O venres 14  tivemos un obradoiro do máis interesante na nosa Biblioteca: “Radiocontada”.

@s nen@s comezaron improvisando sons e historias con materiais e instrumentos reciclados que posteriormente rexistraron en formato de conto.

Foi interesante escoitar aos nenos darlle vida coa súa propia voz ás historias. Desfrutaron moito a parte de que entenderon o funcionamento da creación na radio.

O pasado venres 30 tivemos a visita de Caxoto que, para esta actividade, sacou praza de barrendeiro municipal e viña feito todo un experto en xestión de residuos. A través das súas experiencias aprendemos a importancia da reciclaxe, de reducir o consumo e do considerable que é manter limpo o planeta: comezando dende as nosas casas ata as mesmas beirarrúas.
@s nen@s asistentes ao contacontos aprenderon a importancia da reciclaxe á vez que desfrutaban da narrativa de Caxoto.

O pasado venres 30 tivemos a visita de Caxoto que, para esta actividade, sacou praza de barrendeiro municipal e viña feito todo un experto en xestión de residuos. A través das súas experiencias aprendemos a importancia da reciclaxe, de reducir o consumo e do considerable que é manter limpo o planeta: comezando dende as nosas casas ata as mesmas beirarrúas.

@s nen@s asistentes ao contacontos aprenderon a importancia da reciclaxe á vez que desfrutaban da narrativa de Caxoto.

O pasado venres @s meniñ@s de Noia desfrutaron arreo da actividade dirixida por Atenea para a primeira infancia. Nela, a través de contiños, cancións e xogos, coñecemos a diversas personaxes e axudamos a desfacer algúns dos seus enredos.

Por certo, o nome “Corochas” refírese a cóxegas!  Unha sensación coma a das cóxegas ten que ter á forza varios sinónimos 🙂

O pasado venres, @s nen@s participantes na actividade “Coas mans na masa” levaron para a casa unha mensaxe importante: as tarefas do fogar non teñen xénero.

A través do conto da Editorial OQO “Maruxa”, todos aprendemos a que hai que distribuír o tempo de traballo na casa nos membros da mesma, sen que recaia todo na mesma persoa.

A parte de aprender valores tan significativos, @s cativ@s da atividade tamén tiveron tempo de xogar manchándose algo as mans 😉

Encantadísimos quedamos todos co espectáculo ofrecido por tan grandes profesionais. Os cativ@s asistentes non deixaron de prestar atención nin un só minuto -e os adultos…. tampouco!-. Incluso houbo público que se animou a colaborar cos artistas…

Moi recomendable a función!

O pasado vernes 24 Trémola Teatro iluminou as caras dos cativ@s noieses co espectáculo BRILLA – BRILLA. A través da imaxe alumeada das artistas, @s cativ@s gozaron dun espectáculo sensorial onde descubriron a historia da estreliña Vela, que non aprendera aínda a brillar. Coa axuda da súa amiga Lyra e da presenza do público intentaron facela relucir… Podedes descubrir se o conseguiron mirando as imaxes!