Bichocas  de Xarope Lulú foi un espectáculo de contacontos adicado á primeira infancia que tivemos o pracer de ter en Rois  o pasado mércores 21 de outubro.

Atenea contounos diversas historias onde os animaliños foron os protagonistas, acompañados de música, sons e movementos que coparon a atención dos máis e das máis pequenas. Rematamos a función a golpe de pandeireta, cantando todo o auditorio alí presente!

E si, tomamos as medidas necesarias para facer de Rois e da cultura, un lugar moi moi seguro!

O conciñeiro Antón e a pasteleira Tomasa compartiron con nós en Rois o seu libro de aventuras!  E de paso… fixéronnos partícipes da grande intriga dunha cabaza encantada que merodeaba pola biblioteca.

Rematada a función, que combina narración oral cunha coidada posta en escena, as familias participantes realizaron un peculiar e terrorífico taller culinario de decoración de galletas.
Ata pronto, Antón e Tomasa, agardámosvos en Rois para novas aventuras!

María dos Contos e o Señor Dorremí, fixéronnos gozar dos contos tradicionais e dos de creación propia, arrequentados con cancións, música, sons… e algo de ruído. Que ben o pasamos, cantando e contando con estos dous grandes artistas! E si, nun ambiente moi moi seguriño porque… a cultura é segura!

Iolanda Eiras e Camilo Seira transportaron aos nenos e nenas participantes o pasado 23 de outubro no taller “A árbore calada” a un mundo ancestral, onde todos os seres que habitan a Terra falan e onde se atopa unha árbore que cala.

Un espectáculo fermoso de teatro de sombras onde se combinou a narración oral, a música tocada e cantada e a escultura en directo a través do noso artista local Camilo Seira.

Incluiu un obradoiro plástico onde modelou Camilo en barro, previo debuxo realizado de todas as nenas e nenos.

Xoán Curiel fixo pasar uns momentos moi emotivos en Rois, a través da música e da poesía. Grazas desde a biblioteca de Rois por facernos gozar da forza das verbas e das melodías!

Caramuxo Teatro fixo gozar aos máis pequenos e pequenas da casa cun espectáculo coidado, pensado e delicado, onde os protagonistas foron os zapatos: grandes, pequenos, altos, baixos, gordos… e pequecho, o zapato que chegou á lúa.

A actividade encadrouse nos actos de celebración do Día da Biblioteca.

30 nenos e nenas s participaron este mércores na actividade creativa organizada pola biblioteca municipal, A galiña dos ovos de conto, a cargo de Electra Menéndez Muñoz, da entidade Pedras Artesanía e Patrimonio.

Dada a elevada demanda da actividade, organizáronse dúas sesións: unha ás cinco menos cuarto da tarde e outra ás seis.

Durante algo máis dunha hora, e a partir dun conto no que a protagonista era a galiña Rosiña, os participantes fixeron unha actividade plástica con plastilina na que inventaron personaxes para elaborar conxuntamente un conto.

A meiga Alborada amosou todos os seus coñecementos sobre cómo enfocar a vida. As reflexións non deixaron impasibles ao público asistente, o alumnado de 5º e 6º de educación primaria municipal.

Grazas Xoré Teatro!

Raquel Queizás fixo da mañá do luns unha xornada moi especial para os nenos e nenas de 8 a 12 anos que gozaron das historias e lendas da nosa cultura tradicional galega.

Grazas Queliña pola túa presenza e a túa transmisión oral!

Boa tarde en compañía de Teatro Calavera, nunha viaxe a través dos contos e das historias neste caso, cun toque culinario.

E para rematar, despois do contacontos, un taller de decoración de magdalenas!