A actividade que se realizou o venres 8 e sábado 9 de abril no espazo infantil da Biblioteca do CSC de Vite consistiu na realización de distintos experimentos científicos que foron introducidos tras ler os contos infantís relacionados. Desenvolveuse en dúas sesións tendo en conta a idade que amosaban as nenas e nenos asistentes. Ana Romero buscou a participación dos cativos, mantendo o seu interese en vilo ante os fenómenos casi máxicos que lles foi mostrando ós asistentes. Foi unha forma moi amena de aprender e de pasalo ben. Por outra parte facilitounos o desenvolvemento da actividade en días distintos . Asistiron 24 nenos e 5 adultos

Na aula de xogo do Centro Sociocultural As Fontiñas os nenos gozaron dunha sesión de fantasía consistente na creación de “quimeras” a partir de partes doutros animais. Os nenos tiveron a oportunidade de imaxinar nomes, costumes, das creacións fantásticas da súa imaxinación. Foi unha actividade participativa recomendada para nenos de 6 a 10 anos.

O contacontos de Soledad Felloza estivo xenial¡  Asistiron unhas 60 persoas de tódalas idades e disfrutamos todo@s moito coa actuación. Foi moi dinámica e amena, xa que adaptou moi ben as propostas ás características do público asistente, tamén divertida.
Durante estas últimas semanas no centro estivemos a traballar a temática do Samaín, das emocións e especialmente do medo a través de diferentes actividades, tanto de animación á lectura coma de ludoteca, polo que entroncou moi ben coa dinámica da actividade.

A actividade foi un exitazo. Os nenos/as e as familias quedaron encantadas. Como fixo mui bo tempo fixose a actividade na praza a carón do Centro Sociocultural e houbo unha gran asistencia (ao redor de 170 persoas). Unha vez máis fixo participar á rapazada moi activiamente no espectáculo e disfrutaron moito cantando e bailando durante a hora que durou…

Ó fin chegaron as actividades de “Ler conta moito” ó Centro Sociocultural de Conxo. Non foi sen tempo¡ como di o conto.

Pero chegaron ó grande; con un espectáculo divertido e con aire de festa que fixo gozar ás corenta nenos e maiores que se achegaron á Biblioteca. Os artistas fixeron rir, bailar e traballar¡ ós pequenos asistentes. Esperamos que despois desta actividade os nenos van ir máis á biblioteca a gozar dos libros que lles lembren os bos momentos que pasaron.

A actividade desenvolveuse no entorno do club de lectura do Centro. Era a nosa intención achegar a poesía ás persoas apuntadas ó club.  Fixémolo da man deste espléndido poeta e comunicador por varios camiños: o poder evocador das palabras, o ritmo dos versos, o acompañamento do son, a maxia da poesía, a entoación, o xogo. Recitounos poesías escollidas das poetas e os poetas galegos, amais dalgunhas das súas. Unha velada moi agradábel e interesante…

A actividade consistiu nunha combinación de música, animación á lectura, humor e maxia. Tódolos nenos que asistiron á actividade participaron no espectáculo. Ó final rematou cun truco de facer neve; un final alegre que deixou un bo sabor de boca.

O obradoiro “Animalario fantástico” na biblioteca José Saramago do centro sociocultural de Vite. O día 22 de maio desenvolveuse na biblioteca o obradoiro  “Animalario fantástico” que permitiu ós cativos amosar toda a súa creatividade debuxando uns animais do máis orixinal que eles mesmos inventaron, pero antes, repasaron algunhas das manifestacións artísticas sobre animais máis fermosas da humanidade…

Utilizando como pretexto o mundo das palabras e dos libros, Carlos Coira, un mago dos de antes con chisteira e variña, mostrounos un pouco da súa obra Abrapalabra, que nos permite gozar da maxia das palabras. Con elas podemos xogar e xa vimos que o resultado é do máis divertido; e de paso aprendemos algúns truquiños de maxia que espertaron a curiosidade dos máis cativos e dos non tan cativos.

Foi unha actividade moi dinámica, onde os máis cativos estiveron implicados e participando dende o primeiro momento. Algúns dos trucos crearon verdadeiro interese e admiración, todo isto acompañado de música, libros e, como non podía ser menos, moita maxia¡¡

Tres foron as obras escollidas para acercarnos a figura de Shakespeare, unha traxedia como Hamlet e dúas obras de enredo como Noite de Reis e a Tempestade.
Contóusenos o argumento e analizamos os personaxes presentes nas tres obras e vimos as similitudes e o gusto do autor polas situacións máis enrevesadas.