O venres 24 de abril, a axencia de lectura do Concello de Santiso acolleu a actividade “Fotoconto” na que participaron arredor de 45 nenos e nenas.

Foi unha actividade cargada de imaxinación e creatividade onde os cativos crearon un conto sendo eles mesmos o protagonistas.

O venres día 1 de agosto, Dada o duende visitou a Axencia de Lectura de Santiso e contoulles a todos os nenos e nenas unha morea de contos. Foi unha actividade entretida e gustoulles moito.

O día 11 de xullo, a través de Xanela Ocio, na nosa Axencia de Lectura tivo lugar a actividade de “Contos ao Revés”. Os máis de 60 participantes escoitaron diversos contos que fomentaban o valor da igualdade e pasaron unha xornada moi divertida.

O xoves 19 de xuño na Axencia de Lectura de Santiso, tiveron lugar os contos de Sole Felloza “Vento e Chuvia”, que foi adaptando ás distintas idades dos nenos e nenas. Todos os asistentes estiveron moi entretidos e animados.

O venres 11 de abril, a asociación teatral Garabullo representou na Axencia de Lectura de Santiso a obra “Unha pinga de mel”  a través da cal, coñecemos a importancia das abellas no medio ambiente.