Pakolas  e a súa “Ecoralia, a lambona ecolóxica” enchiu a PLIC de ritmo e de asistencia de público. A través das súas cancións Ecoralia nos mensaxea as bondades de consumir alimentos ecolóxicos  certificados a calquera idade.

Malabares, libros,  risas, música…. foi unha hora chea de exclamacións grazas ó bo facer de Daniel Blanco e a súa proposta “Circo na biblioteca”.

A actividade proposta por Antía Yañez no seu Plan de rescate fixo das participantes potenciais investigadoras. A Praza dos libros de Carballo convertida nun esceario de suspense e intriga. Moito misterio e investigación para chegar a un final feliz.

Na biblioteca Rego da balsa de Carballo Alba Farto amosou a súa arte coas letras. Cun pincel, un rotulador…. os participantes debuxaron letras orixinais cheas de creatividade.  Unha mañán de aprendizaxe desfrutando. Moitas grazas a todos polo voso traballo.

Galardoada co Premio Nacional de Poesía 2023 e unha das voces máis salientables da poesía galega contemporánea mantivo, na Feira do libro,  un faladoiro cos lectores baixo o título “”Muller, poeta, en galego e…. polo mundo! no que  ademais recitou algúns dos seus poemas do seu libro “Materia”.  Yolanda Castaño falou da súa maneira de sentir a poesía como un instrumento para cambiar o mundo. Centrándose no libro que a levou a conquerir o premio, “Materia”, comentou que nel prodúcese un diálogo da súa memoria persoal pero tamén da colectiva dende unha perspectiva feminista. Aparecen temas como a maternidade, a familia e os costumes nos que cuestiona establecido. O público pasou un bon momento e  quedou moi satisfeito coa actividade.

Desenvolta  dentro da programación da feira do libro de Carballo, A PLIC, a súa narración oral con acompañamento musical fixo as delicias dos máis cativos. As notas do seu acordeón agradaron a  adultos e nenos  que desfrutaron moito.

Todos remataron con gañas de mais.

O pasado sábado, 8 de xullo, a ilustradora Estefanía Padullés visitou a carpa da Praza dos Libros de Carballo e ofreceunos toda unha clase maxistral de debuxo para presentarnos o seu último traballo “A miña cadeliña”, escrito por Francisco Rodríguez Iglesias e editado por Hércules.

Contounos a historia do libro cos seus debuxos en directo e foi interactuando cos asistentes, que quedaron marabillados co seu talento.

Na Praza dos Libros de Carballo, ademais de presentacións literarias e concertos infantís tamén facemos obradoiros!

Neste caso, a cargo de Antía Yáñez, que nos visitou á carpa da feira para ensinarlles a un grupo de 15 nenos e nenas un lote de experimentos científicos do máis sorprendentes, nos que as reaccións químicas dan lugar a verdadeiras curiosidades e efectos vistosos. Cantas aplicacións ten a ciencia!

O pasado xoves, día 6 de xullo, a banda Música miúda presentou na carpa da Praza dos Libros de Carballo o seu último libro-QR chamado “Cambia o conto”, un libro con música feito para bailar e pasalo de marabilla cantando as súas cancións.

O público asistente desfrutou moito desta tarde.

O mércores 5 de outubro  veunos a visitar a Biblioteca Rego da Balsa Atenea de Xarope Tulu cun espectáculo titulado Corochas dirixido á primeira infancia (de 0 a 3 anos) unha mestura de narración oral, manipulación de obxectos e música. Percorrimos diversas paisaxes e coñecimos a varias personaxes moi peculiares.

Grazas a Ler Conta Moito por facernos pasar un momento tan imaxinativo #contosdivertidos #abibliomola #lercontamoito