Hoxe pasamos un anaco moi divertido co avó Carmelo e o seu can Rus. Que como é moi despistado e non lle dá xeito aos contos tiveron que axudarlos nenos e nenas de Chantada para que conseguise rematalos.
Hoxe unha moura e un trasno visitaron a nosa biblioteca para estar cos nenos e nenas de Chantada porque queren salvar o bosque e precisan a axuda de todos os asistentes.
Para iso deben atravesar probas e descubrir a mitoloxía e a natureza galegas entre xogos, contos, cancións e malabares.
Actividade moi participativa e entretida.
O venres día 3 ás 18:00 visitounos Polo Correo do Vento coa actividade “Tinta do Mar. Pequena biografía de Luísa Villalta”
Como é habitual neles atraparon ao público asistente xa que nos contaron, ilustraron e cantaron varios aspectos da vida e da obra de Luísa Villalta, autora homenaxeada este ano nas Letras Galegas.
Actividade altamente recomendada. Non é fácil atrapar aos máis pequenos cunha biografía, pero eles sábeno facer dun xeito moi orixinal.
Rematou a actividade con todos asistentes facendo unha caricatura de Luísa Villalta, claro que guiados por Carlos de Polo Correo do Vento.
O venres 24 de abril tivemos a visita da ilustradora Blanca Millán e do escritor R.J. Peralta que nos narraron varios dos seus contos ademais de amenizar a sesión con música.
Actividade moi amena e participativa que foi todo un éxito entre os asistentes
.
O venres 26 de maio Charo Pita estivo na biblioteca municipal de chantada, co espectáculo “Porco, porquiño, ensíname o camiño”
A esta actividade asistiron nenos e nenas de 1 a 3 anos acompañados das súas familias ademais dos matriculados na Galiña azul do Concello de Chantada.
Esta tarde recibimos a visita de Trémola Teatro que nos trouxeron o espectáculo “Unha nova galaxia”, que consistiu nunha aproximación á vida de Francisco Fernández del Riego, autor homenaxeado este ano nas Letras Galegas.
Hoxe pola tarde visitou a biblioteca municipal un ratiño chegado de Lonxedetodo que nos ensinou moitas cousas sobre os animais do bosque, ademais de amenizar a sesión con música.
Pasamos unha tarde moi divertida con contos e música.
Hoxe venres tivemos unha sesión de contos e maxia na Biblioteca Municipal de Chantada, con O mago Paco.
Séguenos