Gozamos moitísimo do espectáculo que nos trouxo o Mago Paco. Entramos nun mundo fantástico e divertido no que as nenas e nenos viaxaron por lugares abraiantes, coñeceron a personaxes estraños e viviron aventuras máxicas. Súper recomendado!
Na Biblioteca Pública Municipal de Sober pechamos o curso das nosas Merendas con contos voando directamente ao espazo con Trémola Teatro.
Realizamos unha viaxe fascinante pola historia das mulleres pioneiras da carreira espacial. Ademais aprendemos pasándoo xenial indo máis alá das estrelas!
.
Os membros do Club de Lectura Pintor de Castinande da Biblioteca de Sober, rimos, emocionámonos e desfrutamos cos contos de Cris de Caldas.
Co seu espectáculo, A conto delas, coñecemos as historias de mulleres que a súa avoa lle contaba, nunha tarde moi amena e divertida
O venres 14 de xuño estivo en Sober o Mago DEIMI. A partir dunha serie de libros, este mago foi realizando distintos números de maxia, interactuando coas persoas asistentes. Un espectáculo moi entretido e realizado con gran profesionalidade.
O martes 11 de xuño ás 18:00h. o CL Pintor de Castinande contou coa presencia de Soledad Felloza, actriz, contadora de historias, fotógrafa e dramaturga.
O seu espectáculo, chamado “ESTRELAS”, está cheo dun montón de historias baseadas na narrración oral galega. “Estrelas” “é un espectáculo de historias de rapazas e mulleres reais e do mundo literario que loitan por un mundo sen violencia e con igualdade plena. Pasamos unha tarde estupenda.
Ana Meilán, excelente autora e contadora de literatura infantil, estivo na BPM de Sober acompañando aos nenos e nenas que participan nas Merendas con Contos dos venres.
Chegou cargada de libros que conteñen moitas historias. Descubrimos os segredos dos personaxes que viven nos contos e desfrutamos un montón coas aventuras narradas por Ana.
O xoves 27 de xullo tivemos na biblioteca de Sober un obradoiro denominado “Mulleres inventoras “, impartido por Raquel Vázquez Blanco. Esta actividade descubre de maneira dinámica e participativa os inventos de mulleres moitas veces esquecidas na historia. A sesión rematou cun xogo de memoria e a realización de paneis coa vida e obra destas mulleres inventoras. Asistiron 36 nenos e nenas paricipantes no campamento de verán do noso concello.
O venres 7 de xullo estiveron en Sober Dani Viéitez e Iria Iglesias. Presentaron aos nenos e nenas do campamento de verán a súa proposta “Reduce, reutiliza e recicla co Raposo Rufo”. Contacontos sobre o coidado do medio e a reciclaxe, no que Rufo e os seus amigos amósannos por que debemos coidar o medio ambiente e como facelo, destacando a importancia e necesidade dese labor . Foi un obradoiro moi ameno e divertido.
O martes 6 de xuño estivo na biblioteca de Sober Xoán Curiel, coa súa proposta musical adicada aos autores homenaxeados polas Letras Galegas.
A actividade estivo dirixida aos integrantes do CL da biblioteca integrado por un grupo de persoas maiores que disfrutaron moito coas cantigas deste gran músico.
Actividade moi recomendable tamén para un público familiar, pois Xoán Curiel é un excelente músico que soubo conquistar a todos os asistentes.
O 
O venres 2 de xuño Paula Regueiro, de Trémola Teatro, estivo na biblioteca de Sober có seu espectáculo E ti, que queres ser de maior ?
Este contacontos está protagonizado por Yoli, unha nena que quere escoller a súa profesión , ser camioneira e percorrer o mundo enteiro. Un espectáculo pola igualdade de oportunidades entre nenos e nenas, realizado dun xeito lúdico , aportando moitos coñecementos sobre mulleres que destacaron nas súas profesións. Moi recomendable. Encantounos a tod@s. !!
Séguenos