Felipe Díaz Valle, CAXOTO CONTACONTOS, estivo na BPM de Sober o venres 18 de outubro con “Conto para escoitar mentras bailamos un valse”.

O director da orquestra de Santiago de Compostela chegou  acompañado de moitos instrumentos e contos para os máis cativos e tamén para os seus  pais e nais. Un bo rato de contos e música que compartimos coas familias que se achegaron ata a biblioteca de Sober.

Na Biblioteca de Sober, recibimos a visita do recoñecido chef Chis Pum e o seu axudante Media Faba co seu espectáculo Música na Cociña. A través das súas historias e a súas viaxes descubrimos que se pode facer música con instrumentos de cociña. Unha actividade moi amena e divertida.

Anxo Moure estivo con nós na Bibliopiscina das Piscinas Municipais de Sober, cunha actividade moi dinámica e divertida, onde todos os nenos e nenas desfrutaron dos seus contos sobre igualdade. reciclaxe, natureza, comercio xusto…e participaron nun obradoiro no que fixeron corazóns de papel reciclado.

O mércores 21 de agosto, ás 19:00h, na Bibliopiscina, da BPM de Sober, contamos coa presenza de Iria Iglesias e Dani Viéitez de Estudio Gnomo. Os nenos e as nenas que se atopaban na Piscina Municipal de Sober, puderon desfrutar da actividad =(IGUAL), que pretende concienciar da igualdade na nosa sociedade, tratando temas diferenciadores cotiás como as cores, o traballo, os xoguetes ou a roupa.

A actividade comezou con un contacontos, acompañado dunha dinámica onde os participantes  debían valorar diferentes situacións, plantexadas por Dani e Iria e rematou cun obradoiro de ilustración.

O día 18 de xullo estivo en Sober o creador MANOELE DE FELISA.

Esta actividade forma parte do  Campamento de verán “Coñece o teu Concello” e tivo lugar nas instalacións das piscinas municipais. Participaron nenos e as nenas do campamento e tivemos como invitados a un grupo de pequenos do campamento Siéntete, que son nenos e nenas con necesidades especiais, que viñan acompañados dos seus monitores.

Foi unha mañá intensa de emocións, provocadas pola extraordinaria voz de Manoele que coas súas cancións e exquisita sensibilidade nos fixo pasar unha xornada marabillosa.

O  día 4 de xullo  na biblioteca de Sober estivo JAVIER MURO ALONSO.

A través da narración dun  conto , que tiña coma protagonista a  un neno que desexaba ser mago, e  coa axuda do teatro e da maxia, este creador transmitiu  aos nenos e as nenas presentes as aventuras do protagonista, con momentos de gratas sorpresas e cunha participación activa por parte do público asistente ao evento.

O venres 5 de outubro estivo na Biblioteca de Sober o cantautor  Manoele de Felisa. Coa poesía de Rosalía, Neira Vilas e outros poetas galegos escoitamos unha  extraordinaria voz acompañada pola guitarra que dun  xeito lúdico achega a poesía aos máis novos da biblioteca.

 Montse Rivera presentou  a súa proposta CÓNTOCHE UN TRAXE o xoves   14 de xuño ante os integrantes do CL Pintor de Castinande da Biblioteca de Sober. 

Ao longo de dúas horas fixo unha  excelente  posta en escea, presentando a historia do traxe  en Galicia, como e onde se facían as roupas, os tecidos e a diferenza entre homes e mulleres así como as roupas de traballo e de gala. Contou coa axuda de catro asistentes ao acto que serviron de modelos mostrando a maneira de vestirse.  Acompañando a presentación da roupa, Montse interpretou cantigas adicadas a distintas pezas  e relatos recollidos en diferentes zonas de Galicia. Poidemos tamén coñecer a roupa dos nosos devanceiros a través dunha selección de libros expostos durante o acto.

Enrique Mauricio e Carlos Taboada,“ Polo Correo do Vento ” , presentaron na biblioteca de Sober  :

María Victoria Moreno , unha historia de amor.

Contos e debuxos sobre a autora homenaxeada este ano polas Letras Galegas.O público asistente coñeceu a vida e a obra desta autora, a través dos contos de Quique e os  excelentes debuxos de Carlos. Para rematar cada asistente fixo unha caricatura da autora seguindo as instruccións de  Carlos Taboada.

FÁTIMA FERNÁNDEZ chega a biblioteca de Sober cunha maleta chea de contos, que vai sacando e mostrando aos asistentes.

Consideramos importante que veña con contos e que os mostre, explicando a súa procedencia e lugar de orixe.

Uns contos preciosos e que son contados con moita arte.

Excelente contadora, que logra atraer e captar a atención dos asistentes ; formouse un bo ambiente na biblioteca, relaxado e atento a narración.