En plena semana das Letras Galegas, os nenos e nenas do Vicedo puideron disfrutar dunha sesión de contos infantís a cargo de Pavís Pavós esta tarde na Casa da Cultura do Vicedo. Houbo contos de medo, de animais, historias de sempre que atraparon a atencións dos máis pequenos. Aquí podedes ver unha pequena mostra fotográfica desta actividade

Cun fermoso recital cheo de poesía, humor e música, Lucía Aldao e María Lado fixeron disfrutar ao público que se achegou a escoitalas. Foi unha hora de moita diversión e pracer e todo o público quedou con ganas de máis.

O espectáculo Filipa cos contos, a cargo de Bandulo Azul, achegouse á Biblioteca Municipal do Vicedo, concretamente ao salón de actos anexo e contou cunha moi numerosa asistencia de nenos e nenas acompañados polos adultos. Durante case unha hora houbo moita animación, música, contos e risas aseguradas tanto entre os nenos e nenas como nos propios adultos. Foron contados varios contos, cantouse xunto co actor e, en definitiva, pasaron unha boa xornada de tarde entre todos animándose mutuamente a ler e utilizar a Biblioteca do Vicedo.

Rematou un moi divertido obradoiro de banda deseñada impartida por Xosé Tomás, os nenos e nenas participaron e debuxaron moito, aprenderon historia da banda deseñada, as principais características  e pasaron un rato moi ameno. Ademais despois  puideron levar os seus traballos para casa e compartir coas súas familias os resultados.

Unha morea de nenos e nenas de Infantil e Primaria, e mesmo algúns do Punto de Atención á Infancia cercano, asistiron cos seus pais, nais ou avós á actividade de animación á lectura A FALTA DE PAN, BOS SON CONTOS. Unha actividade moi divertida na que os asistentes escoitaron atentamente os contos que se lles contaban, axudaban nas cancións propostas cantando animadamente e interactuaban abertamente coa contacontos. En definitiva unha fermosa actividade para celebrar o mes dos libros.

Ante máis de 100 persoas entre nenos e nenas e pais e nais, o Mago Chrystian Magic presentou o seu espectáculo Don Quijote. Foi un espectáculo cheo de sorpresas no que os nenos botaron unhas boas gargalladas, sorprendéronse e pasaron unha tarde de martes moi agradable. No marco das historias de Don Quijote, Chrystian foi desenvolvendo unha serie de trucos que fixeron as delicias de todos os asistentes.

Raquel Galavís contou e cantou para os nenos e nenas do Vicedo unha serie de contos moi divertidos acompañados de proxección de ilustracións e pola música do guitarrista Juan. A sala de exposicións estivo ateigada por mais de 50 nenos e nenas de todas as idades e tamén nos acompañaron moitos pais e nais. Graciñas a todos por asistir e participar

Uns 25 nenos de Educación Primaria participaron na actividade “Crea Fósiles de dinosauros” impartida por Mau Marela dentro do programa de animación á lectura da Xunta de Galicia e o Concello de O Vicedo LER CONTA MOITO. Durante o obradoiro os nenos puideron ver un audiovisual sobre os dinosauros e despois crearon os seus propios fósiles de dinosauros. Un gran nivel de participación e motivación deron como resultado unha actividade moi satisfactoria para todos.

Cunha moi boa participación de nenos e maiores se desenvolveu a actividade AVENTURAS NA COCIÑA, o pasado mércores 15 de abril na BPM do Vicedo. Unha sucesión de contacontos, cociña, música e diversión encheu case unha hora de actividade moi satisfactoria para todos

.

Nenos entre 4 e 6 anos compartiron un obradoiro creativo cos pelelliños na Biblioteca Pública Municipal do Vicedo. Todos levaron debuxos feitos polo ilustrador que se mostrou moi participativo  e conseguiu empatizar perfectamente cos nenos. Unha actividade moi divertida e creativa.