Chegou á biblioteca de Xermade un personaxe máxico moi ben caracterizado que se facía chamar Dada e que lles contou aos nenos contos de animais como o do “gatiño branco negro” ou o do “lobo feroz” e tamén contos de nenos que viven nunhas condicións moi diferentes ós nosos como o conto da nena que vivía en Burkina Faso. Durante a sesión os nenos participaron activamente nos contos cantando estribillos de cancións e colaborando na teatralización dos animais dos contos, facéndose parte imprescindible dos mesmos. A contadora tamén aproveitou para concienciar ós nenos en valores como a igualdade o respeto polo medio ambiente ou a convivencia e a colaboración de todos nas tarefas domésticas. E ademais contoulles os rapaces, de maneira sutil e lúdica, como funciona o servizo de em préstito da biblioteca animando aos participantes a levar libros para a súa casa.

Para celebrar o Día do Libro tivemos na biblioteca de Xermade unha sesión de contacontos dirixido a bebés de 0 a 3 anos: Contos de marmeleiro, anís e limón de Marisa Irimia. A narradora contoulles contos doutros tempos e outras falas co apoio de monicreques, bonecos, sons e cancións para centrar a atención dos máis pequenos.

Os nenos e nenas de Xermade desfrutaron e aprenderon coa titiriteira Mirari Urruzola, e con este obradoiro onde elaboraron suculentos personaxes orixinais a partir de froitas, verduras e froitos secos.

A narradora deleitounos con unha mezcla de ficción e realidade incluindo moitos contos clásicos como Hansel e Gretel, Alicia no país das marabillas xunto con personaxes de novela como Don Quixote e Sancho Panza.

Foi unha boa e intensa actividade de animación á lectura

O sábado, 31 de maio, tivemos na biblioteca de Xermade unha sesión de contos dirixido a bebés de 0 a 3 anos. Nesta sesión os bebés tiveron un primeiro contacto coa palabra, coa oralidade e cos libros. Os pais e nais desfrutaron introducindo aos máis pequenos no mundo da lectura e dos libros.

Houbo contos de formigas, contos con sombras, contos con pompas de xabrón e con outros obxectos sonoros que os bebés poideron manipular despois de rematar a sesión.

       Neste obradoiro cada un dos participante elaborou un retrato do autor homenaxeado no Día das Letras Galegas.

Os retratos de Díaz Castro quedaron expostos a modo de mural na sala infantil da biblioteca para dar a coñecer e recordar ó poeta chairego

O 2 de abril, Día Internacional do Libro Infantil e Xuvenil, tivemos en Xermade a fantástica e orixinal contacontos e titiriteira Carmen Domech, co seu espectáculo “Contacontos de libros fantásticos“.

Da súa maleta saíron unha morea de libros, todos eles diferentes: libros que botaban lume, libros que mollaban, libros que non paraban de falar, libros que daban moito medo, libros sen letras, libros crebacabezas, etc…

Ademais e para celebrar o Día do Libro Infantil, difundimos entre os nenos e nenas de Xermade a mensaxe da escritora irlandesa Siobhán Parkinson que leva por título: “Carta aos nenos do mundo”.

Sesión de contacontos na biblioteca o venres 21 de xuño ás 18:00 h.

O contador Inacio Vilariño  de nome artístico Fantoches Baj conquistou a grandes e pequenos con Rodar e Rodari (Contos do Tranvía) e a súa combinación de teatro, monicreques e cancións. Creou un bo estímulo para a imaxinación e a creatividade.

E como este espectáculo de narración oral utilizou a tradición dos contos de Gianni Rodari decidimos facer unha selección bibliográfica, das obras deste escritor e xornalista italiano, expoñéndoas na Sala Infantil da biblioteca e animando aos rapaces a ler obras como: “Contos ó teléfono”; “Contos para xogar”; “Inventando números” ou “Ricardo o escultor”.

A narradora desenvolveu unha sesión de contos onde se intercalaron relatos de temática relacionada con actividades cotiás ( a lactancia, a arte da baci) con breves historias de animais e cancións. Os elementos sonoros tiveron unha relevancia importante no desenrolo da sesión para captar a atención dos nenos.

Charo contoulles contos como “Adiviña canto te quero”; “El arte de la baci”; “O artista que pintou un cabalo azul”; “Maxia”; “La gallina feliz”; “El león remolón”

Ademais fixemos unha selección de libros para nenos de 0 a 4 anos e mostrámola na sala infantil da biblioteca. Recomendamos estas lecturas e animamos aos pais a que fixeran socios aos seus fillos e a que usen o servizo de préstamo da biblioteca.

A monitora Larraitz Urruzola da compañía Títeres Babaluva ensinou aos participantes a elaborar e decorar letras de cartón, utilizando a tipoloxía (tipo de letra) Gallaecia e decoradas con  diferentes deseños de cores, texturas e patróns, inspiradas nas simboloxías máxicas galegas, nas ornamentacións da cerámica de Sargadelos, na xoiería tradicional, na arquitectura e tamén na arte contemporánea galega.

Despois de ter estas letras decoradas conformamos a palabra TOUPORROUTOU, parte do título da peza de teatro para nenos de Roberto Vidal Bolaño.

Estas letras quedaron penduradas na entrada principal da biblioteca e serviranos de homenaxe a Roberto Vidal Bolaño, o autor ao que se lle adica o Día das Letras Galegas deste ano.

Durante a actividade e mentras respetamos os tempos de secado das  letras, incluso representamos un fragmento dunha obra teatral de Vidal Bolaño