É un espectáculo infantil para público familiar que xira arredor da figura de D. Carmelo, un avó ao que lle encanta contar historias, pero a súa memoria xógalle malas pasadas… Cada vez que abre un libro, as historias mestúranse e os finais son comezos de novas historias.
Unha proposta divertida que motiva aos nenos e nenas a ler.
Divertido espectáculo dirixido ao público familiar, no que Nelson Quinteiro nos achega dun xeito moi didáctico a coñecer os tipos de instrumentos da música tradicional. Unha posta en escena moi coidada.
A historia de dous vellos traballadores que recordan con marionetas o seu glorioso pasado nas pistas do Circo.
En Allariz, nun permanente xogo participativo entre o público infantil e as marionetas, foron aparecendo aquelas gloriosas personaxes dese circo antigo tristemente desaparecido.
Segue sendo una actividade que, a pesar das súas numerosas representacións, máis de mil, seguen entusiasmando os máis pequechos, coa magnifica manipulación das marionetas por parte da compañía Tanxarina.
Aínda que parecía que a choiva non ía deixar que a xente e a xuventude se animasen a desfrutar do espectáculo, este resultou ser todo un éxito. A capacidade que tiveron Os Jalochos para motivar e facer pasar un bo rato, non só á cativada, senón tamén ás persoas máis maiores foi digno de ver. Grazas ao seu conto musicado conseguiron unha gran participación activa do público, dando pé ao baile, á percusión corporal, ao xogo e, incluso, á iniciación na lingua de signos.
A Biblioteca Pública de Allariz celebro o día 17 de maio día das Letras Galegas ofrecendo os mais cativos de esta vila o espectáculo de Lydia Botana Contos musicados, unha actividade na que utiliza o conto cantado como ferramenta par desenvolver unha escoita activa a través das imaxes e melodías que acompañan á mensaxe que se pretende transmitir, no que todo non é o que parece, a importancia de cambiar o punto de vista de ver as cousas ou a reciclaxe.
Rematamos un ano máis o programa Ler conta moito coa celebración do día das Bibliotecas!
Fixemolo cun concerto extraordinario de Pakolas e o seu estilo rockeiro inconfundible.
Os nenos , nenas e pais cantaron , bailaron e fixeron festa dende o pricipio ata o final!
Encantados de terte outra vez con nós Paco, pasámolo xenial!
Ata a próxima!
En Allariz seguemos desfrutando do programa Ler conta Moito, desta vez co divertidísimo espectáculo de Nelson quintero, que nos fixo gozar dun espectáculo dinámico, vistoso e colorido! desfrutaron motísimo tanto adultos coma nenos e nenas!
Un pracer de profesional
Moitas grazas Nelson!
Este ano comezamos o programa Ler conta moito celebrando o Día das Letras Galegas con un magnifico concerto de Xoán Curiel, un gran profesional que nos animou e nos fixo participar nun montón de cancións onde conmemoramos unha chea de autores homenaxeados nos últimos anos nas Letras Galegas. Desfrutamos moitísimo! E Xoán tivo o detalle de agasallar ós nenos con un libro!
Moitas grazas pola túa visita Xoán!
E para rematar este ano a programación de Ler conta moito , celebramos o Día Das Bibliotecas co espectáculo “Lúa” de Teatro Gazafelhos. Un espectáculo divertidísimo , dinámico e participativo con Montse e Pablo que sempre triunfan e deixan aos nenos , nenas e maiores abraiados . Ademais unha obra chea de valores , a tolerancia, apreder a compartir, a paz e a non violencia, todo moi apropiado para estes tempos que estamos vivindo.
Quedamos encantados de volver ter con nós a Montse e a Pablo!!
Seguimos coa programación de Ler conta moito 2022, nesta ocasión coa visita da Orquestra de camarote, un espectáculo de narración oral con musica en directo que nos fixo gozar a todos e todas. Dous profesionais que nos fixeron pasar un rato divertidísimo, con un narrador que te abraiaba dende o primeiro momento e un gran músico ao seu carón.
Moitas grazas pola vosa visita!
Séguenos