Hoxe celebramos o Día das Bibliotecas cunha actividade moi especial, “Escape Room: Os misterios da biblioteca”, da man de Antonio de Ludus Formación e Lecer.
Os rapaces e rapazas pasárono en grande mentres poñían a proba o seu inxenio e espírito de equipo para resolver os enigmas agochados entre os libros.

Con esta proposta poñemos o broche final ao programa “Outubro: o mes das bibliotecas”, que favoreceu a participación e o achegamento dos máis novos á biblioteca.

Hoxe, 23 de outubro, desfrutamos coa actividade de narración oral “A corpo contado” da man de Charo Pita. A sesión estivo dirixida aos nenos e nenas de 1º e 2º de Primaria do CPI de Pontecesures que cantaron e bailaron coas historias cheas de maxia e emoción.

Hoxe desfrutamos dunha sesión de narración oral chea de humor, música e participación, coa que o alumnado de 5º e 6º de Primaria do CPI de Pontecesures divertiuse a cachón: cantaron, bailaron e aprenderon sobre a importancia de coidar o medio ambiente e respectar a natureza a través dos contos e das mensaxes que nos trouxo Carballo con Botas.

Este xoves, 9 de outubro, desfrutamos coa sesión de narración oral “Historias dun mundo grande”, da compañía Bandullo Azul, dirixida ao alumnado de 3º e 4º de Primaria do CPI de Pontecesures.

A actividade enmárcase nunha xeira de animación á lectura que terá lugar ao longo deste mes, coa que queremos celebrar —un ano máis— o Mes das Bibliotecas.

A través das aventuras da cadeliña Becki, viaxamos por un mundo cheo de historias, solidariedade e diversión.

Hoxe é o Día das Bibliotecas! Para celebralo os nenos e nenas de 1º e 2º do CPI de Pontecesures gozaron da representación teatral da Loba Antea. Foi moi divertido! 

Esta obra é a última actividade de animación á lectura que realizamos dentro do marco  Outubro, o mes das bibliotecas.

Neste venres, 18 de outubro, estivemos con Andrea Jamardo da editorial Cuarto de Inverno aprendendo sobre a labor que levan a cabo as editoriais. Os nenos e nenas de 3º de primaria do CPI de Pontecesures tamén elaboraron os seus propios libros, quedaron moi chulos!

Este obradoiro enmárcase nunha xeira de actividades de animación á lectura que terán lugar nos vindeiros días para celebrar Outubro, o mes das bibliotecas.

Neste xoves, 17 de outubro, estivemos con Andrea Jamardo da editorial Cuarto de Inverno aprendendo de maneira moi didáctica todo o procedemento mediante o cal as ideas acaban transformándose en libros físicos. A rapazada de 6º de primaria do CPI de Pontecesures tamén descubriu diferentes formatos de libros e texturas de papeis. A explicación foi complementada coa reprodución duns vídeos explicativos. Finalmente, os nenos elaboraron historias por grupos. Foron moi divertidas!

Este obradoiro enmarcase nunha xeira de actividades de animación á lectura que terán lugar nos vindeiros días para celebrar Outubro, o mes das bibliotecas.

Neste mércores, 16 de outubro, estivemos co conta contos Manuel Fontemoura co que os nenos de 4º e 5º do CPI de Pontecesures se divertiron e aprenderon sobre a importancia da empatía, a tolerancia e o respecto ao diferente! Esta narración oral enmarcase nunha xeira de actividades de animación á lectura que terán lugar nos vindeiros días para celebrar Outubro, o mes das bibliotecas. 

Obradoiro para crear esculturas con papel reciclado. Cada un crea o seu personaxe favorito. Ao final da actividade contamos en voz alta cada un de nos un conto co noso personaxe como protagonista.

Actividade para o alumnado de 6º de E. Primaria do CPI de Pontecesures impartida por Andrea Jamardo Seijo, da editorial Cuarto de inverno que de xeito ameno explica a viaxe dunha obra literaria dende que é unha idea ata que chega ao lector