O 26 de setembro os alumnos/as de 1º e 2º de Educación Primaria do CPI, visitaron a Biblioteca para disfrutar da actividade de animación a lectura de Andamiaxe, coa obra “Un banquete con moito conto”
Un banquete no que a comida principal eran os contos, servidos por unha camareira moi especial. Unha servilleta… papiroflexia… e nela os rapaces crearon o seu propio prato (conto). Fixeron unha crítica gastronómica do que comeron. Chamaronlle a Biblioteca, Bibliorestaurante. Pagaron a comida, deixando propina. Calificaron o restaurante de sobresaínte, excelente, fantástico con notas superiores a mil e quedaron en volver moi pronto.

LER CONTA MOITO
O 24 de outubro, Día da Biblioteca, visitounos Juan Jesús Freire Pérez de Ciencia en ruta. Levou a cabo un “Obradoiro de submarinos” para alumn@s de 1º e 2º de E.S.O. do C.P.I. de Pontecesures. Autores da literatura de ciencia-ficción e científicos confluen neste obradoiro de danlle forma a unha actividade para comprender o concepto de flotabilidade. Jules Verne, Arquímides e Antonio Sanjurjo Badía introdúcennos na idealización e construción dun submarino. Unha actividade ideal para promover o interese pola lectura, a ciencia e o traballo en equipo.

O 24 de abril, para celebrar o Día do Libro, viñeron a Biblioteca Pública os alumnos de 3º e 4º de E.S.O. do C.P.I. de Pontecesures. Actividade de Zentangle con Elisabet Hillerud. Debuxos de sombras, relevo e diferentes planos. Patróns que transmiten tranquilidade e concentración e combinan arte, expresión creativa e conexión interna. Disminuir a actividade mental para gozar do momento presente.

O día 3 de abril para celebrar o Día do Libro Infantil e Xuvenil, viñeron a Biblioteca os nenos/as da Escola Infantil Municipal e os alumnos/as de 1º de E. Infantil do C.P.I. de Pontecesures. A actividade, pagada integramente polo Concello foi Contos pequeniños, con Cristina Vázquez Santos. Un achegamento a riqueza da oralidade. Contos e cantos de sempre que se xuntan con outros de agora.

O 22 de marzo, 33 alumnos de 6º de E. Primaria do C.P.I. de Pontecesures, disfrutaron moito da actividade de Efervesciencia. Coñeceron a biotecnoloxía cotía das nosas casas, extraeron o ADN dos chícharos e resolveron un pequeno misterio.

O 19 de maio os alumnos/as  de 5º e 6º de Educación Primaria do CPI de Pontecesures asistiron na biblioteca municipal de Pontecesures á actividade levada a cabo por Solidaridade Internacional de Galicia, As viaxes de Irene por países de Oriente Próximo. Oiron a súa música, viron as súas paixes e monumentos e uliron as especies, fixeron a ceremonia do te…..Toda unha viaxe sen sair da biblioteca.

O pasado 18 de Maio desenvolveuse na Biblioteca Municipal de Pontecesures a actividade “Construindo o noso libro Ilustrado”

Os rapaces de 3º e 4º da E.S.O. aprenderon o proceso de creación dun libro ilustrado partir do achegamento a diversos tipos de libros e ós traballos da ilustradora Minia Regos.

A actividade rematou con un taller onde os rapaces experimentaron coas distintas técnicas ilustrativas e participaron coas súas propias ilustracións.

Puidemos comprobar que Pontecesures conta con unha canteira de prometedores ilustradores…. como xa é habitual no noso concello que sempre foi berce de importantes ilustradores e artistas… baste lembrar a Colombo, Maside, Fabeiro, Llerena, Oria García Moreno e outros..

Adicado ós nenos de 4 e 5 anos de Educación Infantil no CPI Pontecesures tivo lugar unha nova edición da Ciencia é divertida.

Como non podería ser doutro xeito, os cativos disfrutaron con esta combinación de experimentos e de lectura.