“Rosa e Azul”, un espectáculo de narración oral de Pérez&Fernández, chega a Portas cunha serie de contos teatralizados, que celebra a diversidade e que racha cos estereotipos de xénero.

A través da manipulación de xoguetes e monicreques artesáns, contáronlle aos cativos de Portas tanto  historias reais como contos de ficción que xiran en torno ao respecto, ao amor, á tolerancia e á diversidade.

O xoves 28 de xullo, Xoan Curiel chegou a Portas para explicarlle aos máis cativos como poder montar a súa banda de verán. Ademáis pudieron descubrir distintos ritmos musicais e facelos co seu corpo, como a rumba, a muiñeira….e para rematar a actividade Xoan bailou a “conga” con tódolos cativos/as…

Un itinerario dende Exeria a Xela Arias, pasando por Rosalía de Castro, Filomena Dato, Concepción Arenal ou Emilia Pardo Bazán, para coñecer a obra e afondar na vida destas referentes intelectuais de galegas.

Co principal obxectivo de difundir e poñer en valor a figura destas seis escritoras, onte, luns 23 de agosto na Biblioteca Pública Municipal de Portas, realizouse un obradoiro de creación plástica onde se elaborou un libroobxecto a través do cal , dun xeito imaxinativo puidemos afondar na súa obra e na súa vida. Un Obradoiro moi educativo e entretido.

Hoxe, venres 30 de xullo, desfrutamos dunha última xornada de mes moi divertida. Cantar, bailar e rir escoitando os mellores temas feitos en Galicia para os máis pequenos do Concello. A bibliodiscoteca itinerante visitou Portas e fixo que os protogonistas foran os convidados que o pasaron moi ben e desfrutaron moitisimo da música en galego.

Este venres, 16 de xullo, a actividade “Novos lobos” chegou a Portas, un espectáculo de narración oral e monicreques no que transmite aos cativos/as algúns contos da literatura popular pero  adaptados para transmitir valores-. O espazo no que sucede a acción é un pequeno refuxio da montaña no que un pastor está coidando das súas ovellas (o público).Os nenos/as de Portas pasaron  unha xornada moi divertida onde cantaron, divertíronse e sobre todo aprenderon valores de amistade, empatía, compañerismo, igualdade…

Onte, luns 19 de outubro, a Biblioteca Pública de Portas recibiu a Sheila para contar a historia de “As pitas baixo a choiva” de Ricardo Carvalho Calero, ademais de completar a actividade cun obradoiro creativo onde cada neno e nena puideron elaborar o seu propio conto a través de distintos collages de papel, orixinais e únicos. Unha actividade moi interesante e que acadou moito éxito entre os máis cativos.

O xoves 8 de outubro, a Biblioteca Pública Municipal de Portas tivo o pracer de recibir a Pablísimo co seu espectáculo “CONTOS CON OVOS”. Un contacontos moi redondiño … ou máis ben ovalado onde os protagonistas son os ovos… e o que sae de eles! Espectáculo de narración oral, adiviñas, xogos de palabras, obxectos e bonecos.  Gran espectáculo para os máis cativ@s!!