O xoves 24 tivemos en Portonovo para celebrar o Día das Bibliotecas, a proposta de Donde viven los cuentos.

Dúas piratas moi valentes que nos falaron da igualdade de xénero da man do conto de Daniela Pirata. Unha nena que quere ser pirata e que ten que sortear numerosas probas para demostrar a súa valía.

Os nenos e nenas axudaron nas probas, participaron do proceso dunha poción noxenta, a busca dun tesouro seguindo as pistas no mapa… para acabar recibindo as súas cicatrices como meritorios piratas. Máis dun saía contando que eran resultado da loita con tiburóns ou crocodilos!

O xoves 24 de outubro, Antía Yáñez estivo na Biblioteca de Portonovo para compartir con nos a súa proposta feminista.

Unha actividade moi interesante para descubrir ás mulleres que fixeron historia en Galicia e que non son visibles ás veces.

Figuras coma Exeria, a raíña Urraca, Emilia Pardo Bazán, Concepción Arenal, Elisa e Marcela… mulleres que forman parte da nosa identidade e non sempre no lugar que lles correspondería.

O martes 22 de outubro tivemos a Teatro Calavera coa súa proposta máis doce: “Chocolate”

E a verdade e que o pasamos moi ben, desfrutamos tanto maiores coma cativos e cativas.

Descubrimos as aventuras da pasteleira Tomasa para acadar a súa receita máis doce, que coas recomendacións do cociñeiro Antón, logrou unha receita apetecible para todos os participantes!

Coma sempre, un acerto e un pracer!

Grazas Teatro Calavera

O venres 11 de outubro estivo Sole Felloza na Biblioteca de Portonovo coa súa proposta de Igualdade.

Tanto peques coma maiores pasámolo de marabilla coas historias de Bolboretas. E aínda que Sole rematara, alí ninguén se moveu do sitio agardando por máis 😍
Unha tarde moi divertida e sen esquecer o tema da Igualdade.
Moitas grazas Sole!!! E ata a próxima 😉

O mércores 9 de outubro tivemos a Charo Pita coa súa proposta para bebés.

Foi un rato moi ameno e divertido, xa que os bebés desfrutaron tanto coma as nais, avóas e pais.

Coa familia Papaventos coñecemos a moitos animais, cantamos cancións, bailamos e rimos.

Moitas grazas a Charo Pita pola súa visita!

O luns 7 de outubro, Pedro Brandariz achegouse á Biblioteca de Portonovo para compartir con nós a súa proposta de Igualdade.

Tanto os maiores coma os cativos estiveron atentos, entretenidos, e bastante participativos tamén.

Temos que rachar cos estereotipos, e Pedro Brandariz puxo enriba da mesa o uso da cor rosa nas nenas e o seu rexeito por parte dos nenos: todos somos libres para poñer as cores que nos fagan sentir ben!

O xoves 12 de setembro tivemos unha actividade na Biblioteca de Portonovo para celebrar o comezo do curso escolar. Antía Yáñez veu coa súa proposta para que os nenos e nenas coñecesen máis a biblioteca da súa contorna.

A actividade desenrolouse moi áxilmente e participaron 19 nenos e nenas, fixeron as súas búsquedas e atoparon o tesouro.

Onte martes, tivemos a sorte de ter a Raquel Queizás na Biblioteca e desfrutar da súa proposta de igualdade, enmarcada dentro do programa de promover a igualdade e loitar contra a violencia de xénero.

Foron máis de sesenta cativos e cativas os que se achegaron á Biblioteca de Portonovo para participar nesta actividade. Porque ademáis de desfrutar e axudar, actuaron e riron con ganas, protestaron e cantaron… todo para comprobar que os homes e as mulleres somos iguais.

Da man de Queliña viaxamos para correr aventuras e contar historias, e demostrar que somos iguais de valentes e sensibles.

Unha proposta moi boa de Raquel que fixo as delicias dos cativos, pero tamén dos maiores que se achegaron, ou dos que por alí pasaban.

Ó remate da sesión os rapaces do PaiFill@Nai quixeron darlle as grazas cunha aperta grupal.

Agradecer a Raquel Queizás a súa visita á Biblioteca de Portonovo. Foi un pracer!

Este luns 22, para festexar que esta semana celebrábamos o Día da Biblioteca, tivemos un taller que levou a cabo O Faiado de Nin.

Os participantes elaboraron a decoración para as súas mochilas que lles van permitir sacar en préstamo o material da biblioteca e transportalo sen nengún problema e con unha bolsa feita por eles. Foron moi diversas as ideas e a posta en práctica foi moi divertida.

E por suposto a satisfacción dos nenos e nenas foi moi grande, estaban todos moi orgullosos das súas bolsas, como podedes ver nas fotos.

Moitas grazas ó Faiado de Nin pola proposta.

O martes 16 de outubro e seguindo coa nosa programación do Mes das Bibliotecas, tivemos os “Contos do chupete” da man de Migallas Teatro na nosa biblioteca onde o pasamos de rechupete. Foi unha sesión de contos para bebés na que se integraron música en directo, literatura infantil, expresión dramática e tradición oral.

Foron moitos os bebés que xunto con pais e nais quixeron pasar unha tarde tenra e familiar, e disfrutar cantando, tocando palmas e facendo sons. Non hai máis que ver as súas caras de disfrute 😉

E como parecía que non lles chegaba a sesión 🙂 , Bea e o seu compañeiro ofreceron unha derradeira no exterior da biblioteca aproveitando a boa tarde que quedou. Alí, xa libremente, os cativos que non tiveron que marchar, achegáronse a tocar os instrumentos musicais e disfrutaron un bo anaco.

Moitas grazas a Migallas Teatro por esa tarde tan familiar e  divertida. Un pracer teros connosco e ata outra!