Da man do mago Javier Muro chegou á biblioteca de Vila de Cruces o espectáculo ” O neno que quería ser mago”.

En formato de contacontos pero co valor engadido de estar  ilustrado con maxia. Contounos a historia dun neno chamado Lolo que quería converterse en mago despois de ver un espectáculo de circo. As aventuras que lle ocorren son ilustradas en todo momento con efectos máxicos que abraiaron tanto ós cativos coma ós maiores con trucos con fins didácticos e onde se intenta despertar o interés pola lectura.

Resultou un gran éxito de asistencia e unha tarde moi divertida para todos.

O pasado 10 de xuño a biblioteca acolleu  “A viaxe de Toribio” incluida dentro do programa “Ler conta moito”

aínda que estaba boa tarde os que viñeron pasárono moi ben, actividade dinámica e participativa.

Ó día 28 de abril ás 18 h. chegou a Biblioteca P.M. de Vila de Cruces Pavís Pavós, cunha maleta chea de contos que foron narrando e interpretando con distintas voces e xestos, logrando captar a atención e a participación tanto dos cativos coma dos maiores.

O día 23 de outubro chegou a BPM de Vila de Cruces, Atenea de Xarope Tulú coa actividade “A falta de pan, bos son contos”.

Foi unha actividade divertida e entretida na que os asistentes escoitaron atentamente os contos que lles contou, axudaron nas cancións, participaron nas adiviñas, interactuando de maneira moi activa coa contacontos.

O día 10 de xuño chegou a biblioteca de Vila de Cruces a compañía “Títeres Cascanueces” para ofrecer os máis cativos o espectáculo de Barrigaverde e o muiño da néboa. Dende o primeiro momento arrincou sorrisos, caras de asombro e participación dos pequenos. Pasaron un ratiño moi divertido. Para rematar saindo e saudando a tódolos nenos.

O día 24 de abril a Biblioteca Municipal de Vila de Cruces recibiu a visita de Magín Blanco con libros en-cantados. Trouxo un montón de libros e cancións infantís nas que os nenos participaron e pasaron un ratiño moi agradable.

O día 18 de maio, continuando coa programación das Letras Galegas a Biblioteca contou coa actividade “Fotoconto”,  os nenos asistentes convérteronse en protagonistas dun conto, tiñan que escoller diversas palabras coas  que artellar a súa propia historia na que as súas  fotos foron as ilustracións do conto. Foi unha actividade chea de imaxinación e creatividade. Mentras os pequenos poñían toda a imaxinación as nais levaban máis dunha agradable sorpresa coas recreacións dos seus fillos.

O día 24 de abril a Biblioteca Pública Municipal de Vila de Cruces, recibiu a Patricia de Eduvía que caracterizada do personaxe Dada o Duende, relatou  os nen@s unha serie de contos nos que os protagonistas foron os animais, unha divertida forma de fomentar o hábito lector e o amor polos animais. Rematou a actividade cunha canción na que participaron todos.

O 28 de xuño tivemos a Viravolta Títeres de 16:30 a 19:30 co Obradoiro de Papiroflexia, fixemos diversos obxectos utilizando papeis que estarían destinados  a rematar no lixo. Pasamos unha tarde moi divertida.

A Bliblioteca Municipal de Vila de Cruces acollía o 23 de maio de 18 a 19,15 h. a Crearte Servizos Culturais co obradoiro Arte nos libros! con Leonardo da Vinci unha actividade educativa e lúdica.

A través dun power point os nenos puideron coñecer o interesante mundo de Leonardo, intercalando as explicacións con actividades nas que participaron moi activamente.