Cóntame un cine
A cinecleta chega a biblioteca. Proxecto de achegamento á cultura cinematográfica e a divulgación ambiental dos fondos mariños.
Saltar a ligazóns de pé de páxina
Archive for category: Actividades
Os Nortis e os libros sen título chegaron á Biblioteca de Sanxenxo
Como todos os nenos e negas saben, os Nortis son un seres imaxinarios moi especiais. Habitan no mundo da creatividade e o que máis aman son os libros!!! Estes seres axudan aos nenos e nenas a despertar a súa imaxinación a través de contos e lendas.
Juste Kamishibai é un artista dos teatriños de papel e, igual que os nenos, gusta de inventar figuriñas para atrapar a atención dos máis pequenos, que fican cautivos das súas historias, contadas a través de despregables pop-up, mecanismos móbiles e xogos de luces.
XAROPE TULÚ con “UTOPÍAS: narración con obxectos” na BIBLIOTECA DE O FROXEL “Fco. A. Vidal” de ARTEIXO
O martes 19 de outubro, XAROPE TULÚ nos presentou a súa actividade de “UTOPIAS: narración con obxectos”. Un espectáculo que combina a narración oral e a manipulación de obxectos, contando historias que fixeron a ledicia do público asistente.
CAXOTO na BPM de Zas
Onte achegouse ata a Biblioteca Municipal de Zas Felipe Díaz, CAXOTO, co seu Contacontos para bebés titulado “Levántate Xan”, dentro da 
programación de Outono da
s Bibliotecas Municipais. Aí van un par de imaxes…
Moc Moc – MeRe Clown en Vimianzo
O 20 de outubro MeRe Clown contoulles os nenos de Vimianzo “A verdadeira historia de Hamelín”. Utilizou malabares, equilibrios, acrobacias, clow… para facer un espectáculo moi dinámico e entretido
Talía Teatro e “Rosa Caramelo” en Vimianzo
O día 19 de outubro os nenos de Vimianzo gozaron das historias de Artur Trillo: Rosa Caramelo, Bonobos con lentes, Artur e Clementina e outras historias
“A cabaza encantada” na Biblioteca de Portonovo
O martes pola tarde Teatro Calavera fixo, un ano máis, que todos tanto grandes coma pequenos, pasaran unha tarde moi divertida.
Non houbo máis que escoitar a cativos e maiores cantando e dando palmas, á vez que os máis pequenos interactuaban cos actores para axudalos nas esceas.
O cociñeiro Antón e a pasteleira Tomasa viviron aventuras e desventuras que remataron ben. 
E logo os nenos e nenas pasaron a facer un taller de cociña: merenda monstruosa!
Unha tarde moi golosa, que rematou en canto todolos nenos e nenas moi fachendosos saíron coas súas galletas decoradas 
Agardamos que todos o pasarades ben 
“Obradoiro de cómic” na Biblioteca de Portonovo
Onte tivemos unha actividade moi entretida e didáctica, xa que todos aprendimos como facer viñetas, bocadillos, onomatopeias…para crear un cómic feito polos rapaces e rapazas.
Moitas grazas a Santy Gutiérrez, debuxante e ilustrador, que nos fixo pasar unha tarde moi amena na biblioteca.
E para rematar, Santy quixo deixar a súa pegada nas novas historias ilustradas por él que a biblioteca acaba de mercar.
Rosa Caramelo e outras historias, de Talía Teatro, na ALM de Carnota
O pasado venres gozamos na Axencia de Lectura Municipal de Carnota dunha tarde repleta de contos en clave de igualdade, da man de Talía Teatro. Rosa Caramelo, e outras historias é un espectáculo teatral creado a partir dunha serie de contos contos de Adela Turín para lles dar unha volta aos roles e estereotipos de xénero. A historia dos bonobos con lentes, Artur e Clementina e Unha feliz catástrofe, integran esta montaxe, máis que recomendable para desmontar prexuízos sobre actitudes e aptitudes de mulleres e homes.
Contamos en igualdade
Contamos en igualdade de Eduvía Xestión Cultura e Lecer S.L., trouxo con Patricia Martínez Rodríguez, á Biblioteca de Pontecesures contos para facer reflexionar ós nenos e nenas sobre temas como a equidade e a igualdade de oportunidades entre homes e mulleres, a violencia de xénero, a corresponsabilidade e a diversidade social, cultural e funcional.
Séguenos