PAKOLAS na Axencia de Lectura de Baio
O venres 22 de xuño, tivemos na Axencia de Lectura de Baio a Pakolas despedindo o curso e dando a benvida ao verán con un concerto ben rockeiro!!
Saltar a ligazóns de pé de páxina
Archive for category: Actividades
Carmiña, A Meiga na biblioteca de Xermade
Carmiña, A Meiga chegou a Xermade para cantar e contar á natureza. Presentounos á súa corva e compartiu a súa sabedoría entre herbas máxicas, contos e animais fantásticos. Encheu a nosa biblio con fermosos contos extraídos da cultura popular galega e os seus conxuros fixéronnos tremer…
Kukas e os seus monicreques celebran cos nenos e nenas de Brión o inicio das vacacións
Kukas e os seus monicreques visitaron Brión para presentar o espectáculo “De trebellos, perellos e fedellos”. Unha actividade de animación organizada pola biblioteca para celebrar cos nenos e nenas de Brión o inicio das vacacións estivais.
O serán celebrouse o venres 22 de xuño na Sala Municipal de Exposicións, situada na planta baixa da Casa da Cultura de Brión, un renovado recinto que serve de espazo auxiliar para as actividades organizadas pola biblioteca municipal. Dende as 18:00 h., e durante aproximadamente unha hora, Kukas puxo en escena un recital con varios poemas pertencentes ao libro “De trebellos, perellos e fedellos” do que é autor e ilustrador. Para facelo apoiarase en recursos artísticos como a pintura en directo, obxectos e os seus famosos monifates.
A actividade, dirixida a nenos e nenas de 3 a 12 anos de idade, reuniu aproximadamente 26 persoas, onde máis da metade foron crianzas. Unha asistencia máis que aceptable para unha calorosa tarde de verán de inicio das tan esperadas vacacións escolares estivais. A actividade contou co patrocinio do programa “Ler conta moito” da Rede de Bibliotecas Públicas de Galicia.
Polo Correo do Vento en Zas e Baio
O 19 de Xuño, as nenas e nenos de Zas e Baio desfrutaron dun obradoiro de ilustración sobre María Victoria Moreno da man de Polo Correo do Vento.
“Os Contos da Nai da Miña Nai” de Fátima Fernández, na ALM de Corvillón-Cambados
O luns 11 de xuño ás 17h, na Axencia de Lectura de Corvillón-Cambados, dentro do programa de “Ler conta moito” tivemos connosco a Fátima Fernández con ” Os contos da nai da miña nai”. Conseguiu captar a atención dos cativos dende o primeiro momento.
Fantástica experiencia para os máis pequenos!!!
O Mago Albert en Ribas de Sil
A Axencia de Lectura Municipal de Ribas de Sil acolleu o 21 de xuño a actividade “O mago Albert ten moito conto”. A actividade desenvolveuse en dúas partes, na primeira, houbo un obradoiro no que @s nen@s tiveron que realizar sinxelos elementos para crear trucos de maxia e, unha segunda parte na que o mago nos deleitou co seu espectáculo, todo coa colaboración d@s asistentes.
“OS CONTOS DA NAI DE MIÑA NAI” CON FÁTIMA FERNÁNDEZ, NA ALM DE CASTRELO- CAMBADOS
O venres 15 de xuño ás 16h, na Axencia de Lectura de Castrelo- Cambados, dentro do programa de ”Ler conta moito” tivemos connosco a Fátima Fernández con ” Os contos da nai da miña nai”. Conseguiu captar a atención dos cativos dende o primeiro momento.
Fantástica experiencia para os máis pequenos!!!
BIBLIOCANTA na Biblioteca de O Valadouro
Cara a finais de curso académico, o pasado 19 de xuño e dentro do programa Ler conta moito, programouse desde a biblioteca pública municipal de O Valadouro o proxecto Bibliocanta.
Esta actividade estaba destinada a todos os públicos pero especialmente ao público infantil, onde os rapaces aprenderon e descubriron cancións e coreografías populares.
Involucráronse todos os asistentes e bailaron, cantaron, riron… e con ganas de cantar.
Canta connosco! no aniversario da nosa mascota
O pasado 9 de xuño, sábado, día chuvioso e gris, ás 18:30 h. xurdía luz, cor e música de mans de Migallas Teatro, co seu espectáculo Canta connosco!, e de innumerables amig@s de todalas idades que se reuniron para unha entrañable conmemoración dentro deste ano do 50 aniversario das bibliotecas de Redondela: a mascota das mesmas, Leolo o Contadelo, cumpría 10 anos de vida.
Un espectáculo dirixido aos nenos e ao público familiar, no que se combinaron as cancións co teatro, e no que gozamos todos
Séguenos