Charo Pita, narradora de contos, visitou a B.P.M. El Viejo Pancho de Ribadeo para celebrar o Día das Letras Galegas. A través de varias narracións de autoría propia, pero tamén doutras autoras e autores, falounos de igualdade. Coa “Mosca tola” aprendemos a voar en liberdade; a través da historia de Elenita, un conto mexicano, vimos que os soños ao igual que as profesións, non entenden de xéneno; co “Cabaliño de mar” aprendemos que na natureza hai papás que poden parir fillas e fillos; con “O Papón” pasamos medo no faiado, e con “Igor” aprendemos que as mulleres e homes “como é debido” non se distinguen polo seu físico, senón polos seus actos. Todas estas historias fixeron as delicias das nosas nenas e nenos que gozaron dunha tarde entre libros para celebrar o 17 de maio.

Chegou á biblioteca de Xermade un personaxe máxico moi ben caracterizado que se facía chamar Dada e que lles contou aos nenos contos de animais como o do “gatiño branco negro” ou o do “lobo feroz” e tamén contos de nenos que viven nunhas condicións moi diferentes ós nosos como o conto da nena que vivía en Burkina Faso. Durante a sesión os nenos participaron activamente nos contos cantando estribillos de cancións e colaborando na teatralización dos animais dos contos, facéndose parte imprescindible dos mesmos. A contadora tamén aproveitou para concienciar ós nenos en valores como a igualdade o respeto polo medio ambiente ou a convivencia e a colaboración de todos nas tarefas domésticas. E ademais contoulles os rapaces, de maneira sutil e lúdica, como funciona o servizo de em préstito da biblioteca animando aos participantes a levar libros para a súa casa.

O día 23 de abril para conmemorar o Día do Libro visitou a nosa biblioteca Viravolta Títeres.

Trouxeronnos un obradoiro de Títeres no que o noso amigo Anxo nos ensinou  a facer un monicreque  con follas de cores. Os 22 nenos pasáronno xenial e levaron para casa cadanseu monicreque.

O xoves, 14 de maio, para festexar o día grande das Letras Galega, na Biblioteca de Lorbé tivemos a oportunidade de ver o espectáculo Lobo Bobo da compañía Elefante Elegante, unha divertida reinterpretación dos contos clásicos, chea de sorpresas, musica e cor. Todos os asistentes gozamos moito desta actividade.

BENQ DIGITAL CAMERA

BENQ DIGITAL CAMERA

BENQ DIGITAL CAMERA

BENQ DIGITAL CAMERA

BENQ DIGITAL CAMERA

BENQ DIGITAL CAMERA

Para celebrar o Día das letras galegas en Salceda contamos con Tarabelos e O TRAXE NOVO DO REI.

Tarde xenial cunha asistencia de 52 nenos e nenas de Salceda de Caselas e que se divertiro moitísmoooooo.

Actividade realizada no autidorio anexo á biblioteca do concello de Bergondo para o Colexio, Rural Agrupado (C.R.A) de Bergondo

Para celebrar as Letras Galegas 2015, a biblioteca municipal de Culleredo organizou dous semanas de actividades, algunhas delas do programa Ler conta moito, como a que se desenvolveu o mércores 13 de maio, Obradoiro de banda deseñada, a cargo de Santy Gutiérrez, ás 18:30 horas

O xoves 14 de maio tivo lugar unha sesión de contos moi especial. Historias que empezaban ao revés, contos diminutos, adiviñas,cantares de cego…”Contiario” que así se titulaba a actividade fixo disfrutar aos nenos que participaron de forma activa na mesma.

Como sempre un pracer volver a contar con Pablo e os seus contos!

“

O sol é a flor do toxo no verán

O sol é unha moeda brillante

O sol é un globo sen cordel

O sol é unha pelota amarela

O sol é a lanterna que alumea para ti

O sol é a lápada que nos matén con vida

O sol é o balón de ouro

O sol é unha labarada detida

O sol é un limón maduro

O sol é unha acesa bombilla

O sol é unha mancha amarela no ceo

O sol é un xeado de vainilla

O sol é o brillo da primavera

O sol é unha tortilla de pataca

O sol é unha xoia tan linda que todo xira o seu redor

Yolanda Castaño e os nenos de terceiro ciclo de Ponteceso e Corme