Con Chus Otero puxemos en marcha un contacontos estival, co que arrefriar o sofoco das altas temperaturas que viñamos pasando estes días.
E, xunto con eles, adiviñas, trabalinguas e cancións que viñeron a aledar a mañá a nenos e grandes.
Sole encheu de historias fantásticas a nosa biblioteca coas que fixo soñar e divertirse aos máis pequenos e non tan pequenos.
Dentro das actividades programadas para a primavera 2013 na Biblioteca Municipal de Meis celebrouse o Día do Libro (23 de abril) unha nova sesión de contacontos orientada a nenos e nenas maiores de 3 anos a cargo do grupo Pavís-Pavós. Cunha asistencia destacada a sesión foi todo un éxito agradando tanto ós nenos como ós seus acompañantes. Nela léronse diversos contos facendo partícipes a tódolos nenos que se atopaban na biblioteca.
O pasado 8 de maio tivo lugar na Biblioteca Municipal de Meis unha fantástica sesión de contacontos e música a cargo do grupo Migallas, dirixida a bebés e nenos pequenos acudindo á cita máis de medio cento. Os nenos e nenas gozaron dos contos e as cancións interpretadas polos dous artistas cos que tamén bailaron ó remate da actuación.
Fátima Fernández o 20 de abril cos seus contos de animais respondeu e resolveu todas as dúbidas dos nenos e nenas que alí estiveron.
O 13 de abril todos os nenos e nenas disfrutaron cos contos marabillosos que Marisia Irimia recolleu de akí e de akolá.
O 6 de abril visitounos Cucarandainas para xogar ao vexo, vexo na biblioteca Ánxel Casal, a través dunha frase popular os nenos e nenas chegaron a un conto onde apareceron moitos e diferentes animais.
O pasado venres 12 de xullo, ás 11:30 h, un nutrido grupo de nenas e nenos a partir dos tres anos de idade mantiveron un encontro literario con Miro Villar na Axencia de Lectura Municipal de Carnota. Os participantes asistiron á narración oral de tres contos rimados do autor (Carlota e a gaivota patiamarela, Rebelión na charca e A cobiza do verme Noel) acompañada de proxeccións das súas correspondentes ilustracións.
O día 24 de maio dentro da programación do mes das letras galegas tivemos unha representación de contacontos a cargo de Patricia Martínez para os nenos de 2º,3º e 4º de primaria do colexio.
En Camariñas non puidemos comezar mellor as contadas do verán. Visitounos Fátima Fernández cos seus contos de animais e resolveu tódalas dúbidas posibles.
Séguenos