Celebramos un obradoiro de creatividade con Olga Abad, no que ademáis a narración oral estivo moi presente.
Pais e nais, xunto con Olga e todos colaborando para dar a coñecer ás novas xeracións a máis antiga narración oral galega.
Para nenos e nenas de 4 a 8 anos. Con iste obradoiro rematamos as nosas actividades do programa Ler Conta Moito
Para máis información sobre este evento, clicar aquí.
A Titiricleta chegou a Biblioplaza de Monte Alto! E veu cargadiña de contos e historias de todo o mundo. Anxo sorprendeunos coa súa chegada á Biblioplaza, un evento que a biblioteca Monte Alto celebra cada mes de xuño saíndo a rúa, na procura dos veciños máis despistados, os que aínda non saben a marabillosa biblioteca que teñen no terceiro andar do centro cívico. E con Anxo e os seus monicreques gozamos do auténtico poder da narración oral, do poder das verbas e da voz, frente ao auxe do visual e as novas tecnoloxías.
Se queredes coñecer o fermoso proxecto para construir un mundo mellor no que colabora esta divertida titiricleta, visitade o seu blog CONTOS SOLIDARIOS.
Pequenos e maiores desfrutaron dunha tarde máxica coa actuación, o 22 de xuño, da narradora Raquel Queizás co seu espectáculo “A orixe”.
Nesta sesión de contos Raquel fixo un percorrido polo mundo, achegando historias, mitos e lendas procedentes de culturas milenarias. Contounos historias da China, do Perú e moitas fábulas de animais, pouco coñecidas na nosa terra.
O pasado xoves 16 de xuño na axencia de lectura de Santiso, contáronnos contos e fixeron maxia para os todos os nenos e nenas ali presentes. 
O martes día 14 de xuño, Nita deleitounos con dous obradoiros de ciencias: un para nen@s de 3 a 6 anos e outro para nen@s de 7 e 8 anos.
Unha mestura de contos e de experimentos científicos moi sinxelos e divertidos.
Tod@s quedaron encantad@s e moi sorprendid@s !!!!
Actividade moi recomendable, tanto polos contidos como pola forma de divulgar coñecementos divertíndose e empregando moitas cousas que temos na casa.
Con esta proposta Ana Hermida fomenta unha educación en igualdade e para a igualdade, partindo do feito das diferenzas de sexos pero loitando contra os estereotipos que establecen para cada sexo distintos papeis, actitudes, comportamentos e características. Avoga pola igualdade de dereitos, responsabilidades e oportunidades tanto para homes como para mulleres. Todo isto, a través de contos como: “A historia dos bonobos con lentes”, “Maruxa”, “Rosa Caramelo”, “Artur e Clementina” ou “Unha Feliz catástrofe”. Mediante estes contos os nenos/as ven de maneira máis clara a discriminación e os abusos, e se conciencian de loitar contra estes comportamentos deplorables.
Neste mes de maio no que celebramos as nosas Letras Galegas, Polo Correo do Vento contounos e pintounos un conto para recordar a Manuel María, mentres todos axudábamos dende os nosos asentos.
Tamén leron algúns dos poemas de Manuel María e os rapaces e rapazas tiveron que contestar algunhas preguntas sobre o autor, o río Miño, árbores, animais, etc., de todo o que falaba o poema.
Ó conto leva tamén implícito un alegato ecolóxico que percorre a narración polo que tamén recordáronnos á terra que temos que coidar xuntos.
O titiricleteiro entrou na biblio pedaleando a súa titiricleta, acompañado do público, mentres tocaba a bocina.
Todos os nenos e nenas colaboraron con el, participando no desenvolvemento do conto, manexando os títeres, disfrazándose….
Tivemos o salón cheo.. para escoitar os contos do Titiricleteiro, contos da India, de Guatemala, de Bangladesh, na súa particular procura da paz no mundo.
Xogamos tamén á “Ximnasia da imaxinación” fomentando a lectura nesta celebración do “Día do Libro do 2016” e tamén o “Día dos libros que coidan da terra”.
Este pasado venres a Biblioteca de Chapela achegou o verán aos cativos e cativas da contorna co contacontos “Comechíns”.
Alba Bermúdez, de Triatreros, achegouse á biblioteca cunha caixa chea de contos, algúns deles moi coñecidos polo público asistente, cos que animou aos cativos participantes a ser os mellores comedores, e a procurar receitas sás e equilibradas, nas que comer “de todas as cores”.
Comechíns, lecturas recomendadas pola biblioteca
Na biblioteca aproveitamos para recomendarlles os asistentes moitas lecturas e contos “gorentosos” que non se debían perder. E case todos marcharon para as casas destas familias participantes nos contacontos, para encherlles de novo os ouvidos de historias e diversión.
VER MÁIS no BLOG das BIBLIOTECAS DE REDONDELA: http://bibliotecasredondela.blogspot.com.es/2016/06/os-comechins-aprenden-comer-co-contos.html
Día 3 de xuño de 2016 ás 18:30, na biblioteca de Escairón
Para celebrar o Día dos Océanos (8 de xuño), a poucos días de comezar o verán, o bo tempo, a calor e as vacacións, mergullámonos nun mundo de historias!
Presentamos unha nova actividade do catálogo de actividades Ler conta moito:
da man de Andrea “Dos Piñeiriños”
o 3 de xuño, ás 18:30 na sala infantil
Escoitamos e gozamos cun conxunto de historias que nos convidaron a explorar o mundo das emocións da man de Roberta, que que traslada a vivir nunha nova granxa e comeza a escola nunha nova vila onde non tén aínda amigos.
Identificando sons da natureza, da granxa, e cantandos e bailandos con Roberta para aprender os números, pasóusenos axiña o tempo.
Ó rematar, entregamos os premios do Certame de Narración e Debuxo Infantil Letras Galegas 2016, e nas sucesivas semanas planificamos varios obradoiros para celebrar o Día dos Océanos.
Séguenos