O pasado venres, 30 de maio, tivemos a actividade de “Contamos en igualdade” con ela rachamos estereotipos de personaxes de conto, aprendemos sobre a igualdade e intentamos construir un mundo mellor.

Onte desfrutamos moito cos fermosos monicreques de Galitoon e os seus contos, descontacontos e contos cantados.

Usuarios da biblioteca escoitando historias , debuxando e cantando ao ritmo da pandeireta no Ano Castelao

Recibimos a Ana Meilán, autora de moitos contos que temos na biblioteca, que veu contar aos nenos e nenas a historia de Simón, un neno con fama de chorón que decide gardar as súas bágoas debaixo da cama.

O alumnado do CEIP Xosé Luis Taboada e os/as residentes do Centro de Día e Fogar Residencial do Concello de Carballedo para realizaron a actividade conxunta titulada “LETTERING CO CANCIONEIRO GALEGO” a cargo de Velaísca, coa que poideron compartir ideas e recordar cantigas o Cancioneiro Popular Galego.

O pasado martes a rapazada pasou unha hora moi entretida con Montserrat Rivera, que lle contou de forma mui amena de divertida que pezas tiña a roupa dos nosos devanceiros.

Como recordo puideron sacar unha foto para ver que ben lle queda o noso traxe tradiccional.

Polo Correo do Vento achegou á Biblioteca do Grove o seu espectáculo “Cantareiras, a poesía popular nas Letras Galegas“.
Contaron as biografías das cantareiras  homenaxeadas no Día das Letras Galegas, fixeron un gran mural relacionado e cantaron as pezas das propias homenaxeadas.

Para rematar cada asistente debuxou unha caricatura dunha pandereteira.

Fran Ameijeiras acompañounos o pasado luns 19 de maio para celebrar o Día das Letras Galegas na Biblioteca de Cerdedo. O público asistente, tanto rapazada como maiores, pasaron unha tarde moi amena e divertida escoitando as interesantes historias da cadeliña Becki.

Contacontos e

cancións que dormen escondidos na memoria das avoas.

O mércores pasado tivemos a Polo Correo do Vento coa súa proposta para as Letras Galegas.