Teatro Calavera recalou en Carnota o pasado 30 de xullo coa función “O cociñeiro Antón e a pasteleira Tomasa”, unha divertida peza de teatro infantil que se complementou cun obradoiro de pasta de azucre.
O pasado venres 31 de xullo, chegaron a axencia de lectura de Santiso as “Aventuras na Cociña”, un contacontos teatralizado con diferentes ingredientes de cociña. Foi unha actividade moi creativa que fomentou a lectura e bos hábitos alimentarios, na que participaron arredor de 35 nenos e nenas.
A Biblioteca de Boqueixón acolleu con expectación a maxia de Leo Leiño para gran delicio dos máis “pequechos”. Os seus trucos de maxia provocaron a admiración e as gañas de participar de todos os alí presentes.
O venres 24 estivo na axencia de lectura de Santiso Leo Leiño, facendo partícipe aos asistentes da súa maxia cómica a través dos contos. Tanto os nenos/as como os adultos foron sorprendidos en todo momento e cada un deles moi ilusionado pola maxia
.
O 23 de xullo o salón de actos do Concello de Carnota acolleu o espectáculo “O traxe novo do rei”, unha divertida adaptación do conto clásico de Anderesen, da man de Tarabelos, que engaiolou a pequenos e a maiores.
O día 22 de xullo tivemos a oportunidade de afondar na polifacética figura do galego Luís Seoane. Crearte Servizos Culturais, mediante imaxes proxectadas e pequenas actividades, permitiulle aos cativos descubrir como a arte forma parte da nosa historia e do noso presente.
O diálogo entre a educadora e os participantes foi esencial para favorecer a creatividade e a interpretación das imaxes artísticas. O obradoiro resultou marabilloso e os nenos e nenas que se achegaron á Biblioteca do Concello de Riós amosaron o seu entusiasmo en todo momento.
O pasado día 19 nas Pontes aprendimos algún trucos da man do Mago Richard e da súa Tecnomaxia. Os rapaces estiveron ben atentos tomando nota para despois poder repetir os trucos na súa casa. Foi toda una experiencia. Grazas ao mago Richard por facer que o pasásemos tan ben.
Os rapaces e rapazas das Pontes achegáronse ao mundo do planeta Mincha e de Pichück da man do seu creador Manel Cráneo o pasado sábado 18. Despois fixeron os seus propios debuxos que convertiron en chapas que levaron para a casa. Pasámolo moi ben.
O pasado venres 17 de xullo, dentro das actividades infantís estivais organizadas pola Biblioteca Municipal Casa dos Fraga, os nen@s puideron gozar da contada levada a cabo por Ana, de Cucarandainas, grazas ao programa Ler Conta Moito.
A sesión de aproximadamente unha hora, foi moi divertida e participativa.
Os pasados venres 3 e 10 de xullo realizamos a través do programa Ler Conta Moito unha xincana fotográfica sobre un dos cambadeses de pro máis importantes, Ramón Cabanillas.
A través da fotografía, dous equipos de 14 nen@s en total, percorreron as rúas de Cambados relacionadas coa vida e obra do bardo de Fefiñáns, superando divertidas probas ao tempo de coñecían algo máis deste insigne escritor.
Ao remate, todos recibiron un diploma pola súa participación, desexando volver a repetir pronto esta interesante proposta.
Séguenos