O día 17 de maio con motivo da celebración das nosas letras,invitamos a Caxoto para realizar un repaso a través da música e dos contos por diferentes homenaxeados no día das Letras Galegas ao longo dos anos, e por suposto mención especial para Luisa Villalta. Resultou ser unha xornada agradable e divertida na que grandes e pequenos poideron interactuar
O sábado pola tarde, celebramos en Poio ás Letras Galegas cun espectáculo de Expresión Produccións.
Houbo xogos, contos, moitas risas,maxia…
Grazas Manuel.
O xoves 16 de maio, tivemos na nosa biblioteca Miguel González Garcés un contaconto sobre Luísa Villalta. Carmen e Olga, recitaron poemas das mulleres homenaxeadas outros anos nas Letras Galegas: Rosalía de Castro, Francisca Herrera Garrido, María Mariño, María Victoria Moreno e Xela Arias , con monicreques de sombras. E despois, as de Luísa Villalta cunha roda e un mural de tea despregable. Remataron lanzando avións de papeis con frases de poemas da homenaxeada neste ano.
O pasado 15 de maio visitounos, na Biblioteca José Saramago do Centro Sociocultural Aurelio Aguirre, a Ciclobiblioteca. As cativas e cativos pasaron unha tarde divertida entre poesías, cancións e ritmos que os acompañaron a través dos contos que eles mesmos axudaron a compoñer.
Ademais, tiveron a oportunide de viaxar na Ciclobiblioteca mentres desfrutaban dos libros que lles trouxo. Con ritmos de frauta e pandeireta, as nenas e os nenos do barrio de Conxo desfrutaron dunha actividade na que botaron a voar a imaxinación, cantaron e bailaron para ser protagonistas e darlle vida ás historias que os acompañaron durante a actividade.
O xoves 16 de maio tivemos a visita do rato Fuco de Lonxedetodo na Biblioteca Municipal. Fuco ensinoulle aos mais pequenos a poesía, as rimas a través dos contos e da música.
Os mais pequenos descubriron o xénero da poesía dunha maneira amena e divertida. Una tarde espectacular tanto para os nenos e nenas como para os seus acompañantes.
O pasado xoves 16 de maio, estivemos na Biblioteca Municipal de Paisaco cos compañeiros de Polo Correo do Vento.
Tinta do Mar. Pequena biografía de Lúisa Villalta é unha proposta multisensorial, na que a música, a narración oral e a ilustración constrúen un relato conxunto para falarnos de Luísa Villalta e outros contos. A proposta convida ao público a participar e incluso a debuxar nun formato de pseudo-obradoiro de ilustración, mentres os artistas nos guían por unha historia de aventuras, memoria e raíces galegas.
Unha proposta realmente inspiradora, que remata cunha gran experiencia para as crianzas e familias e cunha bonita ilustración feita en directo pola artista Alba Troiteiro.
Desfrutámolo moito!
Contacontos na Biblioteca Pública Municipal de Nigrán, Contamos en igualdade, Eduvía. Contos, proxeccións e cancións.
Un espectáculo musical no que introduce os nenos/as no mundo da música onde se mesturan a narración oral e a música.
Onte Día das letras Galegas adicadas este ano a “Luísa Villalta”, tivemos a Grandísima Compañía de “Teatro Ghazafehlos” ca súa obra “Lúa”. Un maravilloso espectáculo donde todos os nenos e nenas presentes tiveron a oportunidade de participar como actores e actrices por un momento. Cabe destacar a gran capacidade de improvisación dos actores que en todos momento utilizaron a espontaneidade dos nenos/as así como resto de asistentes para crear un momento de humor. Ano tras ano repetimos con esta compañía e sen dúbida seguiremos repetindo posto que sempre nos deixan con ganas de máis.
Ao sol,
que carexa compracido
este banco de xardín
volve o sosego
Que é case sono,
unha vontade de dormir desperto,
Este mércores o Centro Sociocultural Maruxa e Coralia de Santiago recibiu unha sorpresa moi especial: a visita de Luísa Villalta… a homenaxeada polo Día das Letras Galegas no 2024.
Unha xornada inesquecible na que a música, especialmente o violín, o instrumento preferido da nosa escritora, foi acompañando os versos e as anécdotas que a actriz Helga Mández, na pel de Luísa Villalta soubo facer, coa súa interpretación un verdadeiro acto poético.
Un pracer Luísa, ata sempre.
Séguenos