Nesta presada de distraccións a estrear, actuará o mellor ilusionista dispoñible,…non será o mellor, mais será o máis dispoñible, amosando unha escolma de trapalladas ben feitas.
Amais, invocamos á participación das persoas presentes…e as que non acudan tamén, grazas ás propiedades de atracción que nel son espalladas. En resumo: unha tarde con moito aquel.
O venres 5 de setembro realizamos na Biblioteca do Grilo-Cacheiras un obradoiro sobre creación de cómic autobiográfico impartido polo ilustrador Denis Carballás. Houbo un pequeno repaso da linguaxe do cómic e de cómo crear personaxes. A continuación, cada participante elaborou unha pequena historia que presentou ao grupo.
Divertido espectáculo dirixido ao público familiar, no que Nelson Quinteiro nos achega dun xeito moi didáctico a coñecer os tipos de instrumentos da música tradicional. Unha posta en escena moi coidada.
O espectáculo “A maxia dos libros” é unha representación onde Nami e O Mago da Boina dan vida a diversos fragmentos dos libros de Crónicas do Mago Errante. . Unha actividade fascinante que nos encantou.
Onte visitounos Anxo Moure na Biblioteca Municipal de Lalín e sí. Bailamos non só un conto senón unha morea deles!!
A nosa biblioteca transformouse e nun lugar cheo de maxia e ilusión. Un misterioso personaxe encargouse de guiar aos nenos e nenas de maneira maxistral a atopar os segredos agochados nos andeis.
Nesta viaxe especial, atoparon escenas de fantasía, contos sorprendentes, poesía, música, ciencia… Todo mesturado para ofrecer emoción, misterio e moita diversión.
Os libros converteronse en auténticos tesouros que da man de Frumario O blibliotecario fixeron voar a imaxinación dos participantes.
Porque todo isto, e moito máis, está máis preto do que pensamos: na nosa biblioteca, un lugar onde todo pode acontecer
Onte, 2 de setembro, na biblioteca de San Cibrao das Viñas, disfrutamos dun obradoiro lúdico-científico, no que os nenos e nenas que asistiron tiveron que resolver un crime, extraendo o ADN das mostras e comparalo cos sospeitosos. Así aprenderon que é a biotecnoloxía.
O venres 29, visitou a nosa biblioteca Charo Pita. Con ela fixemos un repaso ás partes do corpo a través de historias e contos con princesas, bruxas, reis e outros personaxes.
Dentro da programación das festas de Xove o ilusionista Joshua Kenneth encantou o público co seu espectáculo “Ler para crer” (Ler Conta Moito).
Onte, 28 de agosto, na biblioteca de San Cibrao das Viñas, grandes e pequenos disfrutamos dun espectáculo de títeres, onde a música xogou un papel moi importante.
Os nenos e nenas que asistiron, cantaron, bailaron e aprenderon cousas moi interesantes sobre a natureza e o medio ambiente.
Séguenos