Fermoso espectáculo no que se xuntou a fusión do mundo da infancia co poder xestual e a expresión corporal de Verónica Rilo e a música do acordeón de Sonsoles Penadique. Rilo&Penadique conseguiron que as crianzas da Escola Infantil de Ponteceso e as súas familias disfrutaran da actividade.

O venres 4 de outubro o mago Deimi visitou a biblioteca municipal de Monforte de lemos. Durante 60 minutos fixo as ledicias de  150 nenos e nenas de 10 anos que encheron o salón de actos da casa da cultura onde se atopa a biblioteca municipal. A actividade é moi participativa xa que o mago escolle axudantes entre o públicico para facer os números e todos pelexan por sair ao escenario.

Trucos de cartas, cordas , libros que se enchen de cores, peixes que saen dun xornal fixeron que os rapaces estiveran atentos e disfrutaran moito.

O pasado sábado desenvolveuse na Biblioteca de Quiroga o obradoiro Rosalía tod@s por igual a cargo de Tarabelos. A través da figura de Rosalía, e da man   bos profesionais de Tarabelos,   nenos e nenas  achegaráronse a nosa literatura, historia, tradicións e mesmo  crearon a súa obra de arte  pola igualdade. Foi una actividade moi amena e divertida.

É sabido por todos que cando un aprende desfrutando, aprende mellor. Pois ben, isto lles pasou ós cativos asistentes  á actividade Estrafalaria o pasado venres na Biblioteca Municipal de Noia que, da man da contacontos Atenea, aprenderon a que o que dita a sociedade non sempre é o mellor para nós, e que, ser distintos ós demáis, non é nada malo senón máis ben ó contrario. As rarezas fannos especiais e temos que aprender a valorar o seu lado positivo. Un contacontos áxil e moi participativo cos cativos.

O pasado sábado día 5 de outubro, Antía Yáñez estivo na Biblioteca de Meicende Antón Castro ás 11.30 horas.

As crianzas comprenderon que a igualdade non consiste en que os nenos fagan cousas de nenas e viceversa, senón en que todos e todas, gústenos o que nos guste, teñamos cabida no mundo (e neste caso, no patio do colexio).

Antía, coa rapazada, contou o seu conto premiado; “A Reconquista”, e xogou a un xogo moi especial de pelota.

O martes 1 de outubro, Anxo Fariña narrou aos nenos e nenas da Biblioteca Municipal de Outes un dos seus contos: “Dulcinea, a nena cabaleira”. Dinamizou a narración mediante a realización de ilustracións. Os nenos marcharon encantados, especialmente aqueles que levaron un debuxo como agasallo.

En San Sadurniño tivo lugar un obradoiro de dobraxe, e os nenos e nenas quedaron moi contentos/as co resultado final

Dentro do programa Ler conta moito.

Dúas sesións dirixidas a nenos e nenas de 5º e 6º de primaria o dia 4 de outubro en horario de mañá

“O Mundo da Dobraxe” é un obradoiro lúdico educativo, que nos achega, dun xeito ameno e participativo, este fascinante mundo. Mediante unha dramatización moi visual, móstranselles todos os pasos da elaboración dunha película; desde a creacion do guión ata a dobraxe da mesma que por suposto @s propi@s nen@s realizan.