Desde os tempos de Sherlock Holmes a investigación policial cambiou moito. Existen novísimas ferramentas para resolver os roubos e crimes máis retorcidos e iso foi o que puidemos comprobar na nosa biblioteca o mércores: unha nova maxia, a “maxia” da biotecnoloxía!

O pasado mércores día 2 de outubro na ALM de Oubiña,  tivemos a sorte de desfrutar dunha tarde espectacular  de maxia con Leo Leíño. Foi unha tarde  máxica, con música e chistes que os máis pequenos disfrutaron participando en  todo momento. Leo fai da maxia unha diversión e conecta co público dunha maneira increíble. Actividade totalmente recomendable.

No espectáculo de Tremola Teatro os adultos puidemos gozar da historia de Branca Neves desde unha nova visión, esta obra mestura recitais poéticos, cancións, sarcasmo e tamén drama e todo iso desde unha perspectiva feminista.

O pasado 28 de setembro dentro do programa “Ler conta moito” visitounos Eduvia con “Bibliocanta”

Unha actividades maravillosa para que as nenas e nenos se acheguen ao cancioneiro tradicional galego á vez que saborean e desfrutan das cancións propostas, permitindo recuperalas e que non caian no esquecemento estes ditos, recitados e cancións, transformándose de novo nunha forma de lecer e de expresión.

O pasado 21 de setembro chegou O Rosal, “Xogando coas palabras” da man de Javier Muro,, cunha actividade espectacular, dende a maxia e a fantasía dos nenos, onde participan de magos improvisados, espertando a curiosidade e invitándoos a participar, sin poder evitar sumerxirse na fantasía dos contos e personaxes improvisados das narracións.

Hoxe xoves 3 de outubro visitaron a biblioteca as nenas e nenos de 3º de Educación Primaria do CEIP Gregorio Sanz.

Xogar é moi divertido! Xogando imaxinamos, rimos, pero… o xogo pode nun intre converterse nun pesadelo. Poden abrollar as malas palabras, insultos ou afrontas, esas cousas que nos fan sentir tan pequeniñ@s. Sen querelo, unha das nosas protagonistas fará tan pequeniñ@s aos seus amig@s que chegarán a desaparecer E agora? Como se sentirá ela, pequena ou grande? Como pode lograr que reaparezan?

Foi unha tarde divertida a de onte en Darbo. Tivemos a visita de Polo correo do vento, que nos acercaron dun xeito ameno e didáctico á figura de Maruja Mallo. Enrique Mauricio contounos a súa biografía á vez que Carlos Taboada fixo unha caricatura da artista. Ó finalizar os asistentes puideron facer as súas propias caricaturas, que quedaron moi orixinais.

Hoxe, na Biblioteca de Monterroso, visitounos Marisa Irimia.

Na súa maleta traía dous contos súper divertidos.  Un trataba  das aventuras dunha meniña que era pirata e o outro dunha princesa ra que non quería casar, sendo a súa única ilusión ter unha moto. Con cancións e contos pasamos a mañá a mar de divertida aprendendo o ensino da igualdade dos sexos.

Os rapaces e rapazas das Pontes tiveron ocasión o pasado xoves 26 de asistir aos trucos de maxia do Mago Richard. Ademais coñecimos a aportación de moitas mulleres relevantes ao mundo da ciencia e da tecnoloxía. Foi un pracer para todos e todas.

O pasado 27 de setembro na biblioteca de Paderne, puidemos desfrutar dunha actuación do Mago Javier Muro con  “A maxia pola igualdade”.  A partir das seis da tarde  tivemos ocasión de ver  un espectáculo na que os libros tamén son  os protagonistas xunto cos nenos e nenas.  Ademais de participar en trucos ou xogos  creativos de maxia   na que os xoguetes ou as profesións non teñen xénero. Sen dúbida unha animada tarde chea de risas e sorpresas.

Maxia pola igualdade en Paderne