O martes, 30 de xullo, asistimos a un espectáculo de “Ciencias malabarísticas”. A compañía de A Fraga dos Mouros realizou uns interesantes xogos de malabares pero tamén aprendemos os conceptos científicos que os explicaban máis algún dato curioso sobre algún dos científicos máis importantes da nosa historia: Tales, Arquímedes, Newton… Temos que destacar a  indispensable,  esforzada e valerosa participación dalgún/ha cativo/a que, iso si, lle puxo moitas ganas aínda que a tarefea non era sinxela, menos mal que contábamos coas indicacións do experto na materia. Pasámolo xenial!!

O martes, 23 de xullo, os/as cativos/as de Fontiñas pasaron un rato moi entretido grazas a Caxoto, que celebrando os seus 20 anos percorrendo Galicia enteira coas súas actuacións, volveu a engaiolar aos presentes cos seus contos e  cancións, recuperando algúns dos versos máis populares de Rosalía de Castro, Álvaro Cunqueiro, Alfonso Daniel Castelao… e solicitando a participación da cativada co retrouso. Foi unha mañá moi animada!

Moitas grazas e moitos parabéns!!

O xoves, 16 de maio, Sheila García Prado, de Costa Oeste, desenvolveu un interesante obradoiro sobre Luísa Villalta, a homenaxeada polo Día das letras Galegas 2024. Empregando a técnica do zentangle achegou a figura da destacada escritora galega á cativada participante. Unha actividade moi orixinal que agradou aos nosos/as pequenos/as lectores.

Esta actividade tivo moi boa acollida entre o público do CSC de Vite do Concello de Santiago. Unha presentación orixinal e divertida de experimentos científicos a través da figura literaria de Harry Potter. Ninguén quedou indiferente ante esta proposta, que desvelou os segredos científicos de moitos dos feitizos habituais na escola de Howards.

O martes, 27 de xullo do 2021, recibimos a visita dunha pirata moi divertida. Escoitamos as aventuras de Daniela pirata e intentando emulala realizamos unha serie de probas para chegar a ser, nós tamén, uns piratas. Así tivemos que preparar unha sopa ou buscar un tesouro… probas que @s cativ@s superaron con éxito e moito sentido do humor. Donde viven los cuentos narrou un conto sobre a igualdade que encantou @s cativ@s. Foi unha mañá moi entretida, esperamos vernos de novo!

Espectáculo divertido na Carballeira de Conxo onde o artista demostrou grandes doses de improvisación. Saudando e charlando con calquera persoa allea á actuación. E, como ben sabe Caxoto, se un can leva cadea rosa non ten por que ser cadela.

O Xabarín amosou que se podía facer música de calidade e “movidita” en galego. Pakolas, armado coa súa guitarra, animou á veciñanza de Conxo, tanto a pais como a nenos e nenas, cos seus temas. Como estrela que é foi moi solicitado para asinar os seus libros.

O martes, 7 de setembro do 2021, no CSC das Fontiñas recibimos a David Merelas, que levou a cabo unha actuación moi entretida na que procurou obter a complicidade dos asistentes facéndoos partícipes da mesma. O recurso ao clown e os malabares enriqueceron esta orixinal adaptación do conto popular “O frautista de Hamelín”.

Moita emoción e interés neste obradoiro para aprender a redactar, locutar e editar un podcast no CSC de Vite do Concello de Santiago.  Unha actividade moi dinámica e completa na que empregáronse técnicas de  locución, teatro e dobraxe e na que nenos/as e mozos/as pasáronno en grande e  descubriron toda a  potencialidade dos postcad como recurso comunicativo e didáctico,  no que resulta clave pensar de forma integral para realizar unha boa producción.

Ese sábado, dentro do programa “Vive o Verán” dos Centros Socioculturais de Santiago de Compostela, tivo lugar  a sesión de contacontos de Solidaridade Internacional de Galicia ” Contos do mundo”, a través da cal María Paz achegounos a outras culturas e realidades diferentes.