Olga e Carmela, de ETNOGA, prepararon un percorrido pola biblioteca emulando un paseo por Santiago…

…. e con Rosalía en escea, comeza o xogo!

Repasamos a historia de Compostela e lemos poemas das nosas autoras favoritas: ademáis de Rosalía, lemos a Ana María Fernández, Dora Vázquez, María Victoria Moreno, Pura Vázquez e Gloria Sánchez García.

Rematamos outra vez no centro da sala, sentados nunha roda para non esquecer o noso paseo pola biblioteca

O pasado 3 de maio, a Biblioteca Ánxel Casal trasladou a súa Choiva de Contos ao recinto da Feira do Libro de Santiago de Compostela, invitando a Carmen Domech a facer o seu contacontos, PASTOREANDO ALEGRÍAS.

Carmen contou catro historias. Na primeira, unha lebre, unha cabra e outros animais eran os protagonistas dunha nova versión do Coellinho branco.

Na segunda, a contadora foi describindo a través dun gran libro de trapo as diferentes ubicacións do pelo no corpo humano. As rimas e as divertidas ilustracións fixeron que o público morrera da risa.

Na terceira historia, a contacontos levaba un Libro-rolo de tea, e mentres ía contando, ía tirando do rolo onde diferentes esceas ilustradas mostraban o conto.

E na cuarta historia, valeuse dun panel vertical, tamén de tea, onde aparecían os distintos animais do conto popular “Unha vella tiña un can”.

As nenas e nenos estiveron moi atentos e pediron moitos máis contos. Para ver esta actividade no Facebook da biblioteca preme aquí.

O sábado 12 de abril Xanela Ocio visitou a Biblioteca Ánxel Casal e isto foi o que nos trouxo:

Contos en galego adaptados ao revés. Nos contos de Xanela Ocio, as bruxas son boas e os príncipes feos.

Traballamos a igualdade e o respecto polos demais e polo medio que nos rodea de xeito ameno, divertido e educativo.

Consultar o enlace ao evento no Facebook da biblioteca

Espectáculo de narración oral no que O Duende Dada deléitanos cun repertorio de contos marabillosos nos que están presentes valores moi importantes: Convivencia, Traballo en equipo, Igualdade, Medio ambiente

Tamén nos descobre o lugar onde podemos encontrar todas esas historias, por iso nos fala dos libros, a lectura, as bibliotecas, como a nosa.

Moitos nenos participan con Dada neste Contacontos máxico. Unha forma moi divertida de fomentar a lectura entre os máis pequenos.

Consultar o enlace ao evento no Facebook da Biblioteca

O sábado 22 de marzo tivemos a Larraitz Urruzola na Biblioteca Ánxel Casal, coas historias de Babamor e todas as súas familias cheas de amor.

En Babamor hai familias grandes e pequenas, familias envoltas en toneladas de cariño. Ollos que miran a outros ollos, cóxegas e paseos por xardíns de bolboretas.

Espectáculo de narración oral tradicional no que a titiriteira Larraitz xoga con atmósferas e situacións que xurden da transformación de obxectos e espazos do mundo dos contos.

Moi importante a presenza dos contos en todo o espectáculo e a insistencia da narradora na lectura como fonte de inspiración e forza para a nosas vidas.

Expresión Produccións realizou o seu espéctaculo de animación a lectura na Biblioteca  Ánxel Casal, cunha mezcla de actividades de contacontos, títeres e maxia.

Unha posta en escea espectacular como base para unha actividade na que a participación dos nenos e nenas foi primordial.

Ademáis dos contos, aprendemos trabalinguas e cancions.

Continuando coa nosa Choiva de Contos, Fátima Fernández veu o pasado sábado 8 de marzo a contarnos os seus Contos susurrados.

Contos susurrados na Biblioteca Ánxel Casal

E mentras Fátima conta estas historias, as figuras do conto van saíndo das súas mans.

Historias no aire dos Contos susurrados

A Asociación Cultural Cucarandaina estreou a nova tempada de Choiva de Contos na Biblioteca de Santiago de Compostela Ánxel Casal. E estrearon cos seus Contos de Peto para explicarnos todo o que podemos gardar nos nosos petos.

Cucarandainas no Salón de Actos da Biblioteca

Todos os contos gardados nos petos saíron para facernos pasar unha divertida tarde cos rapaces na biblioteca.

Comezan a escapar os contos do peto