O sábado revisitamos a un personaxe clásico da literatura infantil da man de Loreto Pertíñez. Combinando contacontos con taller interactivo traballamos a autoestima, autoaceptación e a aceptación da diversidade a través de xogos e dinámicas. Todos participan activamente cubrindo de gris a Elmer, facendo un enorme collage… E para celebrar as nosas diferenzas todos nos disfrazamos e pinta mos a cara para rematar cunha canción.

O venres 5 de outubro quedousenos pequena a biblioteca para tanta xente que quixo desfrutar da historia dese ser imaxinario? chamado Grúfalo. Grandes e pequenos participaron desta historia e dalgunha máis da man de Pedro Brandariz. Todos quedamos con gañas de mais.

Para celebrar as Letras Galegas, visitou a nosa BPM do Grilo-Cacheiras Xarope Tulú con “María e os ollos alabarados” . Tomando como base textos e relatos de Maria Victoria Moreno desfrutamos dunha tarde de contos e anécdotas da homenaxeada neste ano.

Para celebrar o Día das Bibliotecas 2017 visitaronnos Pavís Pavós que trouxeron un montón de contos para os máis pequenos. Estiveron encantados nestes primeiros contactos cos contos e os libros. E que mellor que unha biblioteca para facelo.

Dentro das actividades da Semana das Letras, visitounos Larraitz para facer un repaso a algúns dos contos de Carlos Casares. Así, pola Biblioteca do Grilo pasaron Toribio, a Galiña Azul e unha chea de persoaxes saidos da mente do homenaxeado este ano na Letras. Pero tamén houbo baile, participación e sorpresas, como unhas laranxas moi especiais…

Na véspera do Día do libro , puidemos desfrutar na Biblioteca do Grilo-Caheiras das “Parábolas de Pakolas”. Trátase dun espectáculo no que Paco Cerdeira interpreta en directo unha escolla dos seus temas para público infantil, con música rock e máis estilos que entusiasman aos nenos e ás nenas. Combínanse as cancións coas historias que nelas se recollen cunha mensaxe final, formando así unha fermosa parábola da que aprender e na que pensar. Nin a calor desanimou á rapazada. Puro rock…

Para rematar os actos de conmemoración sa Semana das Letras Galegas no Concello de Teo, contamos con Soledad Felloza que trouxo as palabras de Manuel María ó noso centro para desfrute de toda a xente que se achegou

O sábado 20 recibimos a Magín Blanco na BPM de O Grilo. Alí levounos as historias de viaxes de “A Nena e o grilo”, da locomotora María Fumaça, ou de “Rosalía pequeniña”. Pero tamén tivemos algunha sorpresa e visita dalgún dos protagonistas das cancións e o público puido pedir algún tema que quería que cantasemos e bailasemos. Toda unha festa entre libros

Recibimos na nosa biblioteca a Montse Rivera que traia unha proposta: que coñeceramos a roupa que empregaban os nosos devanceiros, que a probasemos e incluso que nos levasemos unha fot de recordo

Tivemos o pracer de acoller nunha Mediateca chea de maiores e pequenos a Carmen Domech, que veu acompañada dos seus contos dos que se pode agardar calquera cousa: contos que escupen auga ou lume, contos que falan, contos que perderon ás letras… pero sobretodo desfrutaron do pracer de escoitar e viaxar da man das historias que habitan nos contos.