DADA O DUENDE NA B. P. M. DE NIGRÁN
O xoves 23 de abril estivo na Biblioteca Pública Municipal de Nigrán Dada o Duende nunha sesión de contacontos moi completa, a sala e a sesión.
Aquí está unha pequena mostra de como foi:
O xoves 23 de abril estivo na Biblioteca Pública Municipal de Nigrán Dada o Duende nunha sesión de contacontos moi completa, a sala e a sesión.
Aquí está unha pequena mostra de como foi:
O sábado 25 de abril pola mañá, estiveron na Biblioteca Pública Municipal de Santa Comba a compañía de teatro Trinketrinke coa obra “Non máis guerras” dentro do programa Ler conta moito.
A través dos personaxes Lillí Gruyere e Fuco amosaronlle os nen@s a resolución pacífica de conflitos, os contos como medio de recoñecemento de situacións conflitivas e as cancións dos ratos de Lonxedetodo e La muralla. Tamén explicaron o funcionamento da Biblioteca os Nen@s.
Nen@s participando nunha resolución pacífica dun conflito.
Nen@s participando nas cancions “La muralla” e “Lonxedetodo”
O día 24 de Abril celebramos na Capela o Día do Libro, acompañounos Soledad Felloza , narrou uns contos para que os nenos pasasen unha tarde alegre e divertida.
O sábado 25 de abril veu a nosa biblioteca Olga Abad da compañía Intres, e contou moitas historias divertidas sobre ratos, ratiñas e gatos : a historia do rato César, a rata Lavandeira e da gata Renata… a través dun teatriño de sombras e marionetas.
A Biblioteca Municipal de Quiroga celebrou o día do libro o sábado día 25 coa actuación de Migallas Teatro co espectáculo “Merenda con pan de millo”. Foi unha actividade moi participativa e divertida para o numeroso público asistente.A elaboración do pan millo como fío conductor dun espectáculo de teatro infantil e músical baseado no libro disco publicado pola editorial Kalandraca .A maiores do fomento da lectura cabe salientar a importancia deste espectáculo para a educación en valores (repecto aos avós, importancia da sabeduría das persoas maiores, respecto pola natureza,a colaboración fronte a competición etc)
Para celebrar o Día do Libro o pasado venres 24 de abril tivo lugar a actuación de Pan e auga? Sopas! na Biblioteca Municipal de Abegondo. Foi unha tarde moi entretida onde houbo dúas partes diferenciadas que fixeron as delicias dos nenos e nenas asistentes. Unha primeira parte onde se contaron historias do avó Casiano mesturando cantigas populares, e na segunda parte fíxose un obradoiro de cociña creativa que agradou moito tanto a rapaces coma os pais e nais que alí se atopaban.
Xosé Tomás ofrécenos un obradoiro moi dinámico e creativo, intercalando teoría e práctica. Comeza cunha serie de referencias históricas, desde os inicios da banda deseñada para ir introducíndonos na propia linguaxe do cómic: liñas cinéticas, estereotipos, onomatopeias, a importancia dos silencios, as viñetas e as súas diferentes formas, os globos ou bocadillos, a elipse, os planos…
Potencia a creación de historias propias, con guións sobre a propia vida. Se non se nos ocorre nada, tamén podemos xogar co signo de interrogación.
Potencia o fondo de cómic da propia biblioteca, mostrando publicacións interesantes que hai dispoñibles para préstamo.
É un obradoiro moi didáctico e Xosé Tomás un gran comunicador.
Estes talleres forman parte do programa ABRILUSTRADO das bibliotecas Municipais de Cambre.
O venres 24 de abril, a axencia de lectura do Concello de Santiso acolleu a actividade “Fotoconto” na que participaron arredor de 45 nenos e nenas.
Foi unha actividade cargada de imaxinación e creatividade onde os cativos crearon un conto sendo eles mesmos o protagonistas.
O 23 de abril celebramos o Día do Libro cunha escenificación dos contos “Ajdar” e “Papamedos” , de Nanoteatro, nos que mexturaron conto, teatro e música, facendo desfrutar enormemente ao público.
Séguenos