Este venres, 31 de marzo, na Biblioteca de Celanova conmemoramos o Día do Libro Infantil e Xuvenil cunha nova sesión de contacontos. Visitounos Filipa, da man de Bandullo Azul.
Os nenos e as nenas de Celanova pasaron un bo rato coas cancións e as historias de Filipa.
O 29 de marzo os/as nenos/as de Touro, recibiron a visita de Pablísimo. Chegou co Contiario cheo de contos para sorprender ós/ás máis pequenos/as.
Como se dun Bestiario se tratara, esta sesión de contacontos estrutúrase como unha colección de relatos que amosan a grande variedade e riqueza da literatura infantil e da tradición oral. O obxectivo foi espertar a curiosidade polos libros, por “mergullarse” nos estantes da biblioteca e dar a coñecer os contos tradicionais e máis os contemporáneos. Apoiando a narración empregáronse franelógrafos, paneis debuxados, monicreques, música e por suposto a voz. No Contiario colleron todo tipo de contos: contos que empezaron ao revés, contos con moitos finais, fábulas, cantares de cego, contos minúsculos, adiviñas, contos – canción…
Sesión moi amena, participativa e chea de contido, que deixou un bo sabor de boca!
Seguimos coas actividades do programa Ler Conta Moito 2017 coa visita de Mamá Cabra e o seu espectáculo “Contos que saen dos libros”
Esta vez tocoulles aos mais pequechos de educación infantil e 1º de educación primaria do Colexio Padre Feijoo de Allariz.
Gozaron dun espectáculo musical moi participativo, dinámico e divertido, con música en directo de dous profesionais coma Gloria e a súa doce voz e Iago maxistral co seu acordeón.
Pasámolo moi ben !!
Fátima chegou a Cordeiro cos seus contos revoltos e deu ordenado neles para contarllos aos cativos. Contos cheos de mensaxes: de igualdade, ecoloxistas, para os nenos.
O pasado Luns día 27 de Marzo celebramos en BiblioPazos o DÍA MUNDIAL DO TEATRO coa estupenda actuación de Juste Kamishibai, papel e teatro co seu espectáculo “As historias do Kamishibai”.
Estiveron con nos nesta celebración os alumnos de 3º e 4º de Primaria do CPI “Curros Enríquez” de Pazos gozando do espectáculo cos contos e lendas do mundo e con interesantes historias que pretenderon inculcar nos nenos/as valores en favor do coidado da natureza, da Terra e dos seres humanos.
En definitiva, un estupendo luns de teatro no que os alumnos/as puideron gozar e participar das historias narradas por Juan Juste mediante as técnicas de teatro de papel tradicional xaponés (kamishibai), da técnica de teatro lumínico tradicional xaponés a partir de pergaminos ilustrados coñecida como emaki,e dun teatro despregable pop-up que fixo manter a atención dos asistentes en todo momento.
Onte 29 de marzo Galeatro realizou na biblioteca de Irixoa unha sesión de contacontos na que nos mergullamos nun mundo imaxinario, no que as cativas e os cativos -ou non tanto- descubriron como a lectura pode abrir o apetito… E sobre todo, que cousas convén comer para saciar ese apetito.
VER NO BLOG DAS BIBLIOTECAS DE REDONDELA: http://bibliotecasredondela.blogspot.com.es/2017/03/os-lobos-mais-divertidos-invaden.html
Guardar
Guardar
Guardar
Raquel Queizas empezou as actividades que vamos realizar para celebrar as “Festas dos Libros”. Tanto os nen@s como pais disfrutaron cas historias que contou. Un sobresaliente en todo.
Dentro das II Xornadas de Xénero, organizadas pola biblioteca, programamos unha actividade adicada aos máis cativos. “Contando en feminino” de Lisístra, acercou aos nenos aos contos contados dende a perspectiva de xénero e igualdade. Xogando e contando, apréndese a formar en igualdade.
Séguenos