Na Biblioteca Municipal Infantil e Xuvenil da Coruña, celebramos o Día Internacional do Libro Infantil e Xuvenil recordando a figura dunha das artistas máis sobranceiras da vangarda artística do surrealismo español, a galega Maruja Mallo.

Obradoiro Arte nos Libros! Maruja Mallo

Fixemos un taller da man de Jose Luis Cousillas García, de Crearte Servizos Culturais, coa figura de Maruja como fío condutor, e como a arte, e sobre todo a arte surrealista, tamén está recollida e representada nos libros.

A vida de Maruja Mallo está chea de grandes aventuras, viaxes, as amizades que mantivo con por exemplo Dalí, Miró, etc… Unha muller afoutada, sen límites para a súa libertade, e que defendía o papel da muller en todos os ámbitos da vida. E con moita sorpresa e ledicia comprobamos o grande coñecemento que os participantes tiñan dela.

A parte artística, logo de repasar a súa obra e de falar dos temas que lle gustaban, as paletas empregadas, e as composicións das súas obras, consistíu en afondar nese imaxinario coa interpretación propia de cada neno. Uns artistas!!, e un bó comezo para rematar na casa e adornar a habitación de cada quen.

Obradoiro Arte nos Libros! Maruja Mallo

O día 25 de abril e dentro das actividades para celebrar o Día do Libro, tivo lugar na biblioteca a escenificación dos contos de “NANOTEATRO”. Participaron en total 88 alumnos pequeniños dos colexios da localidade. Os animadores escenificaron tres contos: O do papamedos, o gato que zampaba todo, o das 5 palabras, terminando a actividade acompañados pola guitarra coa canción do gato zampón. Os nenos pasárono moi ben.

Pavís Pavós chegou a Valga  cos seus contos, cos que transmitiron valores aos nenos, contos que trataron do racismo, machismo, desigualdade… contos que sen querelo van deixar pegada en quen os escoitou.

Celebramos o día do libro o venres 21 de abril no Centro Sociocultural do concello de Bóveda coa visita dun artista (Juste Kamisibai) cos seus teatros de papel.

Un espectáculo singular e moi interesante no que coñecimos diferentes versións dos teatros de papel orientais, xunto con curiosas historias contadas con moita simpatía, facendo  participar ao público e deixando voar a nosa imaxinación.

Onte, luns 24 de abril, con motivo da celebración do día do libro, contamos coa actuación de Gloria Mosquera- Mamá Cabra, na que o público asistente disfrutou de contos, música e cancións. Espectaculo moi educativo e entretido

En conmemoración ao DÍA DO LIBRO celebrado este domingo 23 de abril, onte luns pola tarde coa comunidade escolar de secundaria do CPI Mosteiro, descubrimos que un libro amais de ser lido, donde nos contan historias e transmiten ideas e coñecemento; tamén podemos escoitalo a través dunha lectura musical interpretada. E así foi cun formato de charla-concerto como, SIRGO TORCENDO nos deixou introducir nese universo oculto que agochan as obras, interpretado con instrumentos como portativo, laúde, cítola, frauta, guitarra, arpa e unha espectacular voz, facendo protagonistas obras que forman parte do fondo da nosa biblioteca e en especial á literatura galega.

Na Axencia de Lectura Fundación Ferama quixemos festexar dunha forma moi especial este mes do Libro cunha sesión de maxia e libros coa gran ilusionista Leo Leiño. O pasado venres 21 de abril a nosa biblioteca e os seus grandes lectores disfrutaron dun día de maxia e humor “Entre Libros anda a Maxia”. Ilusión, risas e libros, diversión para toda a familia.

Leo Leiño na Axencia de Lectura Fundación Ferama

Coa  participación de todos os nenos e nenas que desexaron ser axudantes da gran meiga e facer que todos e todas o pasaran moi moi ben.

Entre Libros anda a Maxia na Axencia de Lectura Fundación Ferama

O luns día 24 de abril, o chocolate aromatizou a biblioteca do Pereiro de Aguiar da man do cociñeiro Antón e a pasteleira Tomasa. ¿De onde ven o chocolate? Unha aventura moi divertida para coñecer o segredo mellor gardado.

Carmen trasladounos a un mundo máxico a través dos libros da súa casa, libros de tódolos tipos inimaxinables: libros chupados por vampiros, con lume de dragón, con auga, con movemento… Acompañados de fantásticos historias que fixeron gozar a grandes e a pequenos.

TrinkeTrinke Teatro achegou á biblioteca do Grove unha fantástica sesión de contacontoso co fin promover a lectura, espertar o gusto pola literatura, estimular a sensibilidade, a imaxinación, a creatividade e o espírito crítico dos nenos-as a través da narración dos contos e, singularmente, dos distintos xeitos de contalos .

Fuco, un simpático Rato de Biblioteca que procede de Lonxedetodo, lugar onde os libros e a lectura son moi importantes na vida da comunidade, contounos historias moi interesantes e divertidas.

Pasámolo moi ben cos contos, cantamos, bailamos e pasamos todos xuntos unha fantástica mañá de sábado.