En plena semana das Letras Galegas, os nenos e nenas do Vicedo puideron disfrutar dunha sesión de contos infantís a cargo de Pavís Pavós esta tarde na Casa da Cultura do Vicedo. Houbo contos de medo, de animais, historias de sempre que atraparon a atencións dos máis pequenos. Aquí podedes ver unha pequena mostra fotográfica desta actividade

O martes, 16 de maio, a Editorial OQO realizou o seu obradoiro “Coas mans na masa”.

A partir da lectura do conto “Maruxa“, @s nen@s pasárono estupendamente facendo os personaxes con masa de pan. Os cativos amasaron, moldearon e pintaron a Maruxa e a Pepiño. O resultado foi unha explosión de imaxinación e cores.

Actividade moi recomendable.

Co gallo da celebración do día das Letras Galegas 2.017, a Biblioteca Municipal do Concello de Lourenzá , Juana Ibarbourou , rendiu unha homenaxe a Carlos Casares, cun espectáculo dirixido ao público infantil titulado ” Carlos Casares, con maxia e música ” que fixo as delicias dos asistentes.

Onte luns, tivemos na biblioteca de Monterroso historias de contos e de maxia a cargo de Leo, pasamos unha tarde estupenda.

O sábado 13 de maio, ás 20:00 horas desenvolveuse o concerto acústico e recital poético de Ela e Dylan. Roger de Flor e Maquinarias Teatro puxeron en marcha “As flores solitarias”, un espectáculo poético, estético e concerto acústico sobre letras de cancións e poemas de Bob Dylan traducidas ao galego. O fío temático da peza é a muller nas letras e na música de Bob Dylan.

O venres 12 de maio, ás 18:00 horas, a compañía Babaluva Teatro usou as ferramentas da narración oral tradicional para dar a coñecer personaxes e historias de Carlos Casares, coa obra “Babacontos con Carlos Casares”, contribuíndo a iniciarse no mundo dos contos e do teatro a través da fantasía, a inventiva e a creación espontánea.

O 15 de maio Sole Felloza, veunos a contar por medio de  pequenas historias a vida e obra de Carlos Casares que durante este semana lle estamos rendindo homenaxe na biblioteca. Un espectáculo dinámico, divertido e que fixo pasar un rato estupendo a todos os asistentes.

O pasado 13 de maio a biblioteca pública “Varela Jácome” de Lalín acolleu, co gallo do mes das Letras Galegas, “Unha viaxe ao mundo de Carlos Casares”, de Soledad Felloza. Incluída dentro do programa “Ler conta moito”, nesta actividade para nenos e nenas de 4 a 11 anos as persoas asistentes puideron achegarse máis de cheo á figura de Carlos Casares, homenaxeado este ano no Día das Letras Galegas. Durante case unha hora nenos/as e maiores gozaron das marabillosas historias que a contadora lles transmitiu, un percorrido por un universo creado a partir de feitos cotiás que non deixou indiferente a ninguén.

O pasado venres 12 de maio, Larraitz visitou a axencia de lectura municipal de Areas para presentar o espectáculo “Babacontos con Carlos Casares”. Unha actividade de animación especialmente dirixida a nenos e nenas de entre 4 e 12 anos de idade. O espectáculo iniciouse ás 12.30 con nenos do Colexio Rural Agrupado “A Picaraña” no salón de actos anexo á biblioteca, da Casa Cultural Artística e Deportiva de Areas donde está situada a axencia de lectura, cunha duración aproximada de 50 min.
Aproximadamente eran 75 nenos e os seus correspondestes mestres, Larraitz, empregando as ferramentas da narración oral tradicionais, presentou alguns dos contos de Carlos Casares “Toribio e o contador de contos”, “A galiña azúl”, “As laranxas máis laranxas de tódalas laranxas”… acompañando con música, animando a bailar os nenos coas mans… e finalmente xogando con globos de cor naranxa e de diferentes tamaños facendo de laranxas.
Esta proposta lúdica, que conta co apoio do programa “Ler conta moito” da Rede de Bibliotecas de Galicia, formou parte da Celebración das Letras Galegas, lembrando ao escritor Carlos Casares.
Finalmente queremos agradecer ao Colexio Rural Agrupado “A Picaraña” (nenos e profesorado) pola súa colaboración.

Para celebrar o día das Letras Galegas, as nosas bibliotecas programaron distintas actividades. O día 15 de maio estiveron Trinketrinke Teatro con “Os ratiños da caixa”. O actor, disfrazado de ratiño, escenifica uns divertidísimos contos, baseados nos libros do escritor Arnold Lobel:  Sopa de rato e  Contos de ratiños. A música  de acordeón e as cancións interpretadas en  directo, xunto cos contos, son perfectos para que os nenos, e os pais e nais, interactúen tamén.