Hoxe, os cativos de Celanova e da man do mago Pedro Bugarín, poderon atisbar un pouquiño das artes máxicas grazas o seu obradoiro Obramaxia 2.0.

É toda unha ledicia ver as caras de ilusión dos nosos rapaces.

O domingo 22 Paco Nogueiras instalou o seu estudo de radio nas Pontes. Os nenos e nenas da biblitoeca bailaron ao ritmo das cancións de Radio Bule Bule, participaron nos seus concursos e cantaron con Paco. Pasámolo estupendamente.

O pasado sábado 21 Gloria Mosquera e Diego Maceiras visitaron a nosa biblioteca das Pontes. Cociñáronnos una morea de historias saborosas e musicais que nos prestaron moito. Moitas grazas por agasallarnos cos vosos Contos para un mundo mellor

O día 21 de xullo estivo o Mago Pedro Bugarín no auditorio de Covelo. Unha actividade divertida a través da maxia,  que fixo pasar un rato agradable a cativos e maiores

Moi ben o pasamos o pasado mércores na Axencia de Lectura Municipal de Carnota con Tarabelos  e o seu espectáculo “Fábulas”. Utilizando máscaras de animais, o público é en realidade o contador dunha chea historias que falan de raposos intelixentes, ratiños intrépidos, tartarugas lentas pero seguras… e outros moitos personaxes tirados de fábulas de Esopo, Samaniego ou Fedro. Fábulas é unha sesión de contacontos teatralizada na que o público xoga un papel imprescindible. Divertidísima, interactiva e altamente recomendable.

O mércores 4 de xullo a contadora Marta Ortiz estivo na nosa biblioteca espertando a imaxinación do público coa súa narración e interpretación.

Así de atentos, estivemos.

Onte venres 20 Elefante Elegante visitou As Pontes co seu contacontos Lobo Bobo. Os rapaces e rapazas pontesas pasarono estupendo cos seus contos

O xoves, 19 de xullo, Dani Viétez e Iria Iglesias, autores da colección de libros de O raposo Rufo, desenvolveron na Biblioteca Muncipal de Lugo un contacontos sobre o coidado de medio e a importancia da reciclaxe.

Entre as posibilidades de reciclaxe suxeriron a reutilización das caixas como teatriños para o que os nenos e nenas realizaron os seus propios monicreques.

Chegan a biblioteca 0s teixos, freixos, bidueiras, aciñeiras, buxos…, para contar as suas historias, para aprender a abrazar as árbores, a coidar bosques, fragas, soutos…., para plantar unha árbore que conte contos, en defensa do futuro. Había unha barca máxica para ir ao bosque dos contos e con eles a pastora de nubes, o señor escocés, a monitora irlandesa, o lobo número 1 e número 2, a pastora das ovellas, unha barqueirinha, etc. Anxo ensinou aos nenos moitos contos, cancións e viaxes polo mundo das árbores. Foi un percorrido máxico pola natureza e os seres marabillosos que a habitan.