24 DE OUTUBRO “DÍA DA BIBLIOTECA” ¡¡¡É chegou o gran DÍA!!!. Actividade “A cabeza do dragón”,  adaptación para marionetas da obra de D. Ramón María del VALLE-INCLÁN, con Carmen Domech e Jorge Rey de TÍTERES CACHIRULO. O Príncipe Verdemar é desterrado do seu fogar e, coa axuda dun trasgo falcatrueiro, terá que loitar
contra bandoleiros e tamén contra o terrible dragón que ten apresada a filla do Rey Micomicón… Contamos coa presenza de 120 nenos de tres colexios,  con idades dende 5 ata 8 anos acompañados polos seus Mestres. Unha mañá de convivencia arredor dunha actividade moi divertida. ¡¡¡Pasárono estupendamente!!!

O 23 de outubro visitaron  San Sadurniño Payaso Piruleta coa súa biblioteca Máxica.

Don Renato é un bibliotecario atípico: transforma contos en cancións, repara libros con maxia, convive con seres fantásticos,… có obxectivo de motivar á animación lectora do público que o visita. O pallaso Piruleta vai á súa biblioteca e se atopa con que está engalanada polo aniversario de Gloria Fuertes. Títeres, teatro de sombras, audiovisuáis… é o que atoparás nesta aventura musical.

Dirixido aos nenos e nenas da Escola Infantil A Rolada e a alumnos e alumnas de 1º e 2º de primaria do CPI.

Continuando coa Semana da Biblioteca na Baña, nesta ocasión trasladámonos no tempo coa Re- Volta aos 50 que celebramos na marabillosa Carballeira do Ceilán.

A nosa biblioteca ambulante contou co fabuloso espectáculo de Pakolas no que se narraban historias a través do rock e que tanto lles gustou a pequenos/as e familias asistentes.

Os libros e a música axudaron a que practicaramos co léxico e vocabulario en galego ó tempo que nos divertimos e participamos deste contacontos musical.

Con motivo do 24 de outubro, día da biblioteca, programouse a realización dun contacontos titulado: “A biblioteca secreta” realizado por Marisa Irimia, que narra a emocionante historia da que se chamou “biblioteca secreta de Darayya”, un espazo de lectura subterráneo con estantes que albergaban 14.000 contos e libros que os voluntarios recolleran de casas danadas durante o asedio a Darayya, a súa ubicación era segreda e os seus visitantes tiñan que chegar a ela esquivando as balas e proxectís.

Marisa Irimia relatou historias máxicas e emocionantes que trasladaron aos presentes a outros mundos e outros tempos, facéndonos ver que os libros son uns obxectos valiosísimos, e que foran un reducto de aprendizaxe, esperanza e inspiración para moitos dos seus usuarios, case todos rapaces e estudantes, no distrito sitiado de Darayya, en Damasco.

O pasado venres 19 de outubro puidemos gozar en familia dun contacontos – taller de intelixencia emocional a través do conto O monstro de cores de Anna Llenas.

As familias con nenos e nenas de 0 a 3 e de 4 a 8 anos traballaron as emocións como a alegría, a tristeza ou o medo a través de xogos combinados con dinámicas de participación grupal.

Primeiro visitamos a axencia de lectura municipal e despois divertímonos da man de Donde viven los cuentos.

Hoxe, 24 de outubro, Día da Biblioteca.

Os nenos de Vimianzo fan unha viaxe musical co teixugo Paio e con Roni.

Cantan todos  xuntos: plátanos,  o baile do tiburón,  a familia sapo, Armando o armadillo, Ramón o camaleón..

Un concerto fantástico!

A compañia POLO CORREO DO VENTO ilustrounos cunha actividade creativa chea de contos e debuxos sobre UNHA HISTORIA DE AMOR da escritora Mª Victoria Moreno homenaxeada este ano no Día das Letras Galegas.

CARTEL

Os nenos e nenas da parroquia de San Miguel de Deiro adentráronse no mundo da maxía a través do MAGO PEDRO BUGARÍN. Foi un espectáculo de maxía espectacular.

CARTEL

O martes 23 de outubro no auditorio de Vimianzo sintonizamos Radio Bulebule.

Os rapaces achegáronse ao mundo da radio co divertido Paco Nogueiras e a súa particular Radio Bulebule.

Bailaron ao ritmo das cancións, participaron nos seus concursos e cantaron con Paco. Tamén tiveron tempo para adentrarse na linguaxe de signos, coñecendo as vogais con ritmo musical.

Os máis pequenos e pequenas xunto cos seus pais,nais, avós e avóas da parroquia puideron disfrutar do contacontos, adentrándose de forma máxica na natureza de man da mariquiña PEPIÑA MARUXIÑA. O espectáculo incluíu globoflexia que tanto lle gusta os nenos e nenas.

CONTACONTOS PEPIÑA MARUXIÑA QUERE VOAR

CONTACONTOS NA A.L.M. DE CORÓN

CARTEL