O Rato Fuco e a súa amiga Faifá tráennos unha simpática adaptación deste clásico que fai rir a pequen@s e grandes. Papás e mamás axudaron a darlle maior interese aínda a este espectáculo ante a atenta mirada d@s mais pequch@s!
Por medio dun entretido e divertido formato de concurso televisivo interactivo, o pasado sábado, adolescentes de Moeche tiveron ocasión de identificar comportamentos que conducen á violencia machista en elementos cos que se relacionan diariamente, como son: a música, a publicidade, as redes sociais…
O día 21 de setembro ás 18.00 h chegou Eli Ríos a Ribeira. Viña cargada de forza e ánimo para falar e traballar sobre a igualdade de xénero e a necesidade de incluír todas as formas de expresión sexual do noso contorno cotián.
Trasladámonos nesta ocasión ao Espazo Xuvenil, onde temos fondos da Biblioteca Municipal para pasar unhas fins de semana literarias, e levamos unha morea de títulos de Eli Ríos. Alí agardaban pola autora un grupiño moi activo de adolescentes que fixeron un obradoiro moi produtivo.
Estamos desexando volver estar con Eli.
Este sábado, 21 de setembro, ás 12 reunímonos no recuncho dos libros infantís a ler un contiño mentres agardabamos polo espantallo amigo.
Ao pouco fomos para o salón de actos, e xa estaban alí os Quinquilláns para aprendernos a facer teatro.
E actuamos todas e todos facendo os papeis que escollemos, de grilos, de merlas, de cans e cadelas, de gatos e gatas, xente da aldea… Cantamos e bailamos e soubemos da bondade do noso espantallo amigo.
Grazas, Quinquilláns!
Chegou a Burela, o pasado sábado 21 de setembro, un peculiar director de orquestra, pero que mui peculiar!!
No espectáculo ,Caxoto Contacontos despregou unha ampla destreza no manexo de infinidade de instrumentos musicais. O exotismo do birinbao, a maxia da frauta doce, ó ronroneo da harmónica, a espiritualidade da gaita…Unha ocasión para as máis pequen@spara descubrir a esencia mesma da música.
Con esta historia nos relatou a paixón que Sabela ten pola música , nunha aventura de 60 minutos que nos soupo a pouco.
Agardaremos para a seguinte historia de Caxoto e os seus contos!!!
O pasado xoves 19 “taller abierto, gestión cultural” fixeron na biblioteca de Soutomaior un obradoiro baseado na obra plástica de Luis Seoane, coñeceron como manexa o cromatismo e a xeometría nas súas composicións, e adentraronse no seu universo representando cada un a súa propia obra.
Velaí o resultado…
O pasado xoves pasado contamos coa presenza de Paco Cerdeira “Pakolas” e Laura Romero, quenes co seu rock, n roll e ilustracións puxeron en pé a un público con moitas ganas de bailar e divertirse.
O venres 20 de setembro, estiveron con nós “Lolo e a Ratoa”.
“Tardes de Contos e Lendas” estivo protagonizado por “Marionetas Trécola”, que nos trouxeron diversión e unha historia moi especial. Facendo biblioteca…!!
O venres 20 de setembro visitou a biblioteca Alba Bermúdez. Cos seus contos os nenos descubriron como a lectura pode abrir apetito e sobre todo que cousas convén comer para saciar ese apetito.
Actividade que nos amosou a través dos contos como o machismo leva presente na nosa sociedade e incluso a veces, pasa desapercibido con accións normais do noso día a día. Ó final do contacontos os asistentes fixeron un debate de como está cambiando a sociedade neste aspecto, dando puntos de vista persoais e rematando a actividade cunha valoración positiva: todos coincidían en que o machismo se está a deteriorar e que en dúas xeracións será -esperemos- un conto do pasado.
Séguenos